News Flash

लाचखोर मुख्याध्यापक जेरबंद

तक्रारदार या जिजामाता महिला बचत गटाच्या अध्यक्षा आहेत.

पोषणआहार देयकाचा धनादेश मंजूर झाल्याच्या बदल्यात तीन हजाराची लाच स्वीकारताना इगतपुरीच्या पिंपळमोर येथील जिल्हा परिषदेच्या शाळेचे मुख्याध्यापक चंद्रकांत दाजी गांगुर्डेला बुधवारी दुपारी लाचलुचपत प्रतिबंधक विभागाने रंगेहाथ पकडले.

तक्रारदार या जिजामाता महिला बचत गटाच्या अध्यक्षा आहेत. या बचत गटास ग्रामपंचायतीने ठराव करून शाळेतील मुलांना पोषण आहार पुरविण्याचे काम दिले होते. त्यानुसार हा बचत गट विद्यार्थ्यांना पोषण आहार पुरवीत आहे. त्यांनी पुरविलेल्या पोषण आहाराचे दहा हजार रुपये देयक झाले होते. हे देयक मंजूर होऊन धनादेशही प्राप्त झाला. देयकाचा धनादेश मिळाल्याबद्दल मुख्याध्यापक गांगुर्डेने तीन हजार रुपयांची मागणी केली होती. या संदर्भात तक्रारदाराने लाचलुचपत प्रतिबंधक विभागाकडे संपर्क साधला. त्यानुसार या विभागाने सापळा रचला. दुपारी एक वाजता ही रक्कम स्वीकारत असताना पथकाने गांगुर्डेला पकडले. याप्रकरणी इगतपुरी पोलीस ठाण्यात गुन्हा दाखल करण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 17, 2015 3:29 am

Web Title: principal arrest in bribe case
Next Stories
1 आंदोलनांमुळे वाहतूक विस्कळीत
2 मारवाडी गुजराती समाजाचे राष्ट्रीय अधिवेशन
3 विद्यार्थ्यांना आपत्ती व्यवस्थापन मार्गदर्शन
Just Now!
X