scorecardresearch

जळगाव महापालिकेच्या तिजोरीत चार तासात एक कोटी १३ लाख जमा

महापालिकेच्या तिजोरीत शनिवारी अवघ्या चार तासांत एक कोटी, १३ लाखांचा धनसंचय झाला.

जळगाव महापालिकेच्या तिजोरीत चार तासात एक कोटी १३ लाख जमा
फोटो-लोकसत्ता ग्राफिक्स टीम

जळगाव – महापालिकेच्या तिजोरीत शनिवारी अवघ्या चार तासांत एक कोटी, १३ लाखांचा धनसंचय झाला. महापालिका प्रशासनातर्फे मालमत्ता कराच्या वसुलीत मिळणारी सवलत ३१ डिसेंबरपर्यंतच होती. एक जानेवारीपासून थकबाकीच्या रकमेवर दंडाची आकारणी केली जाणार आहे. महापालिकेसाठी २०२२ वर्षाचा अखेरचा दिवस आर्थिक दृष्टीने फलदायी ठरला. पालिका प्रशासनातर्फे करदात्यांच्या सोयीसाठी ३१ डिसेंबर रोजी शहरातील चारही प्रभाग समिती कार्यालयांसह बाजार वसुली विभाग सकाळी १० ते दुपारी दोनपर्यंत सुरू ठेवण्यात आले होते.

हेही वाचा >>> नाशिक : जिंदाल कंपनीच्या भीषण आगीत ११ कामगार गंभीर जखमी, बचावकार्य सुरूच; २५ रुग्णवाहिका तैनात!

हेही वाचा >>> जळगाव : केळीबागांतील चार हजारांवर खोडांचे नुकसान

२०२२-२३ या आर्थिक वर्षातील मालमत्ता कराचा भरणा ३१ डिसेंबरपर्यंत भरणार्‍या मिळकतधारकास मालमत्ता करात सवलत देण्यात आली. त्यामुळे शनिवारी अवघ्या चार तासांत एक कोटी, १३ लाखांचा कर भरणा झाला. एप्रिलपासून वर्षअखेरपर्यंत ५१ कोटींचा भरणा झाला आहे. गतवर्षापेक्षा तो अधिक आहे. महापालिका दरवर्षी नववर्षाच्या सुरुवातीपासून करदात्यांवर दंडात्मक आकारणी करते. यंदाही एक जानेवारीपासून कराच्या रकमेवर दोन टक्के दंड लागू करण्यात आला आहे.

मराठीतील सर्व नाशिक / उत्तर महाराष्ट्र ( Nashik ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 01-01-2023 at 17:06 IST

संबंधित बातम्या