नाशिक: शेतात फवारणी करताना विषारी औषध नाका तोंडात गेल्याने त्र्यंबकेश्वर तालुक्यात एका ४२ वर्षाच्या शेतकऱ्याचा मृत्यू झाला. या प्रकरणी त्र्यंबकेश्वर पोलीस ठाण्यात नोंद करण्यात आली आहे. त्र्यंबकेश्वर तालुक्यातील धुमोडी येथील बाळू आहेर हे शेतात फवारणीचे काम करत होते. फवारणी करत असतांना तोंडात विषारी औषध गेल्याने त्यांना त्रास सुरू झाला. त्यांना तातडीने त्र्यंबकेश्वर ग्रामीण रुग्णालयात दाखल करण्यात आले. औषधोपचार सुरू असतांना त्यांचा मृत्यू झाला.