धुळे शहराजवळील चितोड येथे नाल्याजवळ गावठी दारु तयार करून विकणार्‍यांविरुद्ध स्थानिक गुन्हे शाखेच्या पथकाने कारवाई केली. पोलीस कर्मचारी विजय सोनवणे यांनी तालुका ठाण्यात दिलेल्या फिर्यादीनुसार सुभाष भावसिंग भिल (वय ४५, रा.चितोड) आणि एका व्यक्तीविरुध्द गुन्हा दाखल करण्यात आला आहे. चितोडमधील नाल्याकिनारी हे दोघेही गावठी दारु बाळगताना आढळून आले. त्यांच्याकडून २० हजार ४०० रुपये किंमतीचे रसायन आणि दारु पोलिसांनी जप्त केली. दुसऱ्या घटनेत हातभट्टीवर दारु गाळताना ज्योतीबाई सुर्यवंशी आढळून आली. तिच्याकडून १७ हजार ४८० रुपये किंमतीचे रसायन व इतर साहित्य हस्तगत करण्यात आले. याप्रकरणी पोलीस कर्मचारी ललीचंद चौधरी यांच्या फिर्यादीवरुन गुन्हा दाखल करण्यात आला आहे.
