नवी मुंबई महापालिका क्षेत्रात करोनाबाधितांची संख्या २०,००० पार झाली आहे. शहरात आज ३५१ नवे करोनाबधित रुग्ण आढळले असून करोनाबाधितांच्या संख्येत दररोज मोठी वाढ होत आहे. शहरात मृतांची संख्याही दररोज वाढत आहेत. वाढत्या संसर्गामुळे शहरात करोनाबाधितांची एकूण संख्या २०,९०० झाली आहे. शहरात आज ३ जणांचा करोनामुळे मृत्यू झाला असून करोनामुळे मृत पावलेल्यांची एकूण संख्या ५०६ झाली आहे. शहरात आतापर्यत एकूण तब्बल १६,६५६ रुग्ण करोनामुक्त झाले आहेत. तर शहरात ३,७३८ रुग्णांवर उपचार सुरू आहेत. शहरात करोनामुक्तीचा दर ८० टक्के झाला आहे.
