तुम्हीही रोज ताण-तणावाचा सामना करताय? मग हार्वर्ड विद्यापीठाने सांगितलेल्या ‘या’ ५ सोप्या टिप्स करा फॉलो

1/8

आजच्या धावपळीच्या जीवनात, ताणतणाव ही एक सामान्य समस्या बनली आहे. याचा मानसिक आणि शारीरिक आरोग्यावर परिणाम होऊ शकतो. जर ताणतणाव दीर्घकाळपर्यंत असेल तर त्यामुळे चिंता, नैराश्य, हृदयरोग आणि इतर आरोग्य समस्या उद्भवू शकतात. हार्वर्ड विद्यापीठातील तज्ज्ञांनी ताण कमी करण्याचे काही सोपे आणि प्रभावी मार्ग सुचवले आहेत, ज्यांचा अवलंब करून तुम्हाला शांत आणि आरामदायी वाटू शकते.

2/8

ताण म्हणजे काय आणि तो का होतो?
ताण ही एक मानसिक किंवा शारीरिक प्रतिक्रिया आहे जी तुम्हाला अस्वस्थता, राग किंवा चिंता जाणवते तेव्हा उद्भवते. दीर्घकाळ ताणतणावात राहिल्याने तुमच्या आरोग्यावर आणि मानसिक आरोग्यावर नकारात्मक परिणाम होऊ शकतो, ज्यामुळे तुम्हाला थकवा आणि असहाय्य वाटू शकते.

3/8

पण घाबरण्याची गरज नाही! हार्वर्ड विद्यापीठाच्या मते, काही सोप्या व्यायामांनी तुम्ही ताण कमी करू शकता. चला जाणून घेऊया ‘या’ ५ प्रभावी पद्धती

4/8

स्नायू शिथिल करण्याचे तंत्र
हाताची मुठ घट्ट आवळून घ्या, २० सेकंद धरून ठेवा आणि नंतर हळू हळू उघडा. हे अनेक वेळा पुन्हा करा. या व्यायाम प्रकारामुळे तुमच्या शरीरातील ताण कमी होण्यास मदत होते आणि स्नायूंचा कडकपणा कमी होतो.

5/8

दीर्घ श्वास घेण्याचे तंत्र
हळूहळू दीर्घ श्वास घ्या, तुमचे फुफ्फुस आणि पोट पूर्णपणे हवेने भरा, नंतर हळूहळू श्वास सोडा. तुम्हाला पूर्णपणे शांत वाटेपर्यंत हे काही वेळा पुन्हा करा. ही पद्धत तुमचे मन शांत करण्यास आणि ताण कमी करण्यास मदत करते.

6/8

ध्यान
मनाला शांती देईल असा एखादा मंत्र, शब्द वाक्य निवडा आणि दीर्घ श्वास घेत ५-१० मिनिटे तो पुन्हा उच्चारत रहा. हे तुमचे मन स्थिर करण्यास आणि चिंता कमी करण्यास मदत करते.

7/8

४-सेकंद श्वास घेण्याचे तंत्र
श्वास घ्या आणि ४ सेकंद धरून ठेवा. ४ सेकंदाने श्वास हळूहळू सोडा. ४ सेकंदांचा ब्रेक घ्या आणि नंतर पुन्हा करा. हे तंत्र तुमचे शरीर आणि मन त्वरित शांत करण्यास मदत करते.

8/8

निरोगी जीवनशैली अंगीकारणे
तणाव कमी करण्यासाठी, नियमित व्यायाम करा, भरपूर झोप घ्या आणि प्रियजनांसोबत वेळ घालवा. या सर्व सवयी केवळ ताण कमी करत नाहीत तर तुमचे मानसिक आणि शारीरिक आरोग्य देखील सुधारतात. (सर्व फोटो – पेक्सेल्स)