राजकीय स्पर्धेमुळे अनेकदा नाते-संबंधात दुरावा येतो. बीड जिल्ह्याच्या राजकारणात पंकजा मुंडे आणि धनंजय मुंडे या भावा-बहिणीच्या नात्याची नेहमीच चर्चा असते. (फोटो सौजन्य- सागर कासार)

आज पुण्यात वसंतदादा शुगर इन्स्टिट्युटमध्ये उसतोड कामगारांच्या प्रश्नावर बैठक आयोजित करण्यात आली होती.

या बैठकीच्या निमित्ताने सर्वांनाच एक सुखद चित्र पाहायला मिळाले. पंकजा आणि धनंजय मुंडे हे भाऊ-बहिण उसतोड कामगारांच्या प्रश्नांवरील बैठकीच्या निमित्ताने एकत्र आले होते.

पंकजा आणि धनंजय मुंडे शेजारी-शेजारी बसले होते. त्यावेळी दोघा भावा-बहिणींमध्ये काही संवादही झाला.

पंकजा मुंडे भाजपामध्ये तर धनंजय मुंडे राष्ट्रवादी काँग्रेसमध्ये आहेत. आधी दोघे भाऊ-बहिण भाजपामध्येच होते. पण राजकीय मतभेदांनंतर धनंजय मुंडे यांनी राष्ट्रवादीची वाट धरली.

मागच्यावर्षी झालेल्या २०१९ विधानसभा निवडणुकीत धनंजय मुंडे यांनी पंकजा मुंडेंचा पराभव केला.

राष्ट्रवादी काँग्रेसचे अध्यक्ष शरद पवारही या बैठकीला उपस्थित होते.