scorecardresearch

Premium

मावळमध्ये अजितदादा पुत्र पार्थ पवारांसाठी जुळवाजुळव?

मावळच्या जागेवरून महायुतीत तिढा वाढण्याचे संकेत मिळत आहेत. तर, आमदार सुनील शेळके यांच्या आडून पार्थ पवारांसाठी जुळवाजुळव केली जात असल्याची चर्चा मतदारसंघात रंगली आहे.

NCP, Ajit Dada, Parth Pawar, Maval, lok sabha seat
मावळमध्ये अजितदादा पुत्र पार्थ पवारांसाठी जुळवाजुळव? ( image courtesy – Parth Ajit Pawar FB page )

गणेश यादव

पिंपरी : आगामी लोकसभा निवडणुकीसाठी महायुतीचे जागा वाटपाचे धोरण निश्चित झाले असल्याचे सांगितले जात असतानाच मावळ लोकसभा मतदार संघावरून महायुतीत चढाओढ दिसून येत आहे. शिवसेना शिंदे गटाचे खासदार असलेल्या मावळमध्ये राष्ट्रवादीची मोठी ताकद असल्याचे सांगत अजित पवार गटाने दावा ठोकला. भाजपनेही तयारी असल्याचे सांगितले. त्यामुळे मावळच्या जागेवरून महायुतीत तिढा वाढण्याचे संकेत मिळत आहेत. तर, आमदार सुनील शेळके यांच्या आडून पार्थ पवारांसाठी जुळवाजुळव केली जात असल्याची चर्चा मतदारसंघात रंगली आहे.

mumbai uddhav thackeray s shivsena mla ravindra waikar marathi news, mla ravindra waikar marathi news
जोगेश्वरी सुप्रिमो क्लब प्रकरण : ठाकरे गटाचे आमदार रवींद्र वायकर यांच्या प्रस्तावाचा पुनर्विचार करण्याची पालिकेची तयारी
mill workers got houses
पात्र ५८५ गिरणी कामगार अखेर हक्काच्या घरात, कोन पवनेलमधील घरांचे वितरण
Atrocity case
आमदार गणपत गायकवाड यांच्यावर ॲट्रॉसिटीचा गुन्हा दाखल, व्दारलीतील महिलेच्या तक्रारीवरून गुन्हा दाखल
sanjay raut on baba siddique
“मुस्लिम समाजात फूट पाडण्याकरता…”, बाबा सिद्दीकी अजित पवार गटात जाण्याच्या शक्यतेवरून राऊतांची टीका

लोकसभा मतदारसंघाच्या निर्मितीपासून शिवसेनेचे मावळवर वर्चस्व आहे. सलग तिसऱ्यावेळी शिवसेनेचा खासदार आहे. तिन्हीवेळेस राष्ट्रवादीच्या उमेदवाराला पराभवाची धूळ चारून भगवा फडकाविला. आता राजकीय परिस्थिती बदलली आहे. शिवसेना आणि राष्ट्रवादी काँग्रेस या दोन्ही पारंपरिक प्रतिस्पर्धी असलेल्या पक्षात फूट पडली. मुख्यमंत्री एकनाथ शिंदे यांची शिवसेना आणि उपमुख्यमंत्री अजित पवारांची राष्ट्रवादी भाजपसोबत महायुतीत आहेत. मावळचे खासदार श्रीरंग बारणे हे शिंदे यांच्यासोबत आहेत. मावळात शिंदे यांच्या शिवसेनेपेक्षा भाजप, राष्ट्रवादीची ताकद जास्त आहे. पिंपरी, मावळमध्ये राष्ट्रवादीचे तर सर्वाधिक मतदारसंख्या असलेल्या पनवेल, चिंचवडला भाजपचे आमदार असून उरणचे अपक्ष आमदार भाजपशी संलग्न आहेत. शिंदेंच्या शिवसेनेचा केवळ कर्जतमध्ये आमदार आहे.

हेही वाचा… प्रफुल्ल पटेल यांच्या बालेकिल्ल्यात पक्ष बळकटीसाठी शरद पवार गटाची धडपड

या राजकीय ताकदीच्या जोरावर आता अजित पवारांच्या गटाकडून जागेवर दावा आणि भाजपकडून लढण्याची तयारी दर्शविली जात आहे. पिंपरी-चिंचवड राष्ट्रवादीचा बालेकिल्ला असून मावळमध्ये पक्षाला मानणारा मोठा वर्ग आहे. रायगडमधील तिन्ही विधानसभा मतदारसंघात राष्ट्रवादीची चांगली पकड आहे. ही आकडेवारी लेखी स्वरुपात मुख्यमंत्र्यांसह दोन्ही उपमुख्यमंत्र्यांना देणार असून मावळची जागा राष्ट्रवादीलाच मिळाली पाहिजे, अशी आमची आग्रही भूमिका असल्याचे मावळचे आमदार सुनील शेळके यांनी ठणकावून सांगितले. तर, भाजपच्या बाळा भेगडे यांनी जर पक्षाने लढ म्हणून सांगितले. तर, माझ्यापेक्षा माझे कार्यकर्ते जास्त उत्साहाने तयार आहेत, असे सांगत तयारी दर्शविली. दुसरीकडे खासदार बारणे यांनी गृहमंत्री अमित शहा यांच्यासोबतच्या बैठकीत आपल्या उमेदवारीवर शिक्कामोर्तब झाल्याचे सांगितले आहे. तिन्ही पक्ष मावळमधून लढण्याच्या तयारीत असल्याने महायुतीत पेच वाढला आहे. यातून कसा तोडगा काढला जातो, हे पाहणे महत्त्वाचे ठरणार आहे.

हेही वाचा… शिंदे गटाकडे असलेल्या कर्जत-खालापूर मतदारसंघावर अजित पवार गटाचा डोळा, जोरदार शक्तिप्रदर्शन

गेल्या वेळी उपमुख्यमंत्री अजित पवार यांचे पुत्र पार्थ यांचा दारुण पराभव झाला होता. बारणे यांनी थेट पवार घराण्यावर हल्ला केला होता. त्याची सल अजितदादांच्या मनात दिसते. भाजपसोबत असल्याने पार्थचा दिल्लीचा मार्ग सुकर होईल, असा होरा आहे. आमदार शेळकेंनी आपण लोकसभा लढविणार नसल्याचे स्पष्ट केले आहे. त्यामुळे शेळकेंच्या आडून पार्थसाठी जुळणी केली जात असल्याची चर्चा मतदारसंघात रंगली आहे.

Latest Comment
View All Comments
Post Comment

मराठीतील सर्व सत्ताकारण बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ncp preparation for ajit dadas son parth pawar in maval lok sabha seat print politics news asj

First published on: 30-11-2023 at 17:07 IST

संबंधित बातम्या

तुम्ही या बातम्या वाचल्या आहेत का? ×