News Flash

मान्यतेशिवाय सुरू असलेल्या पुणे जिल्ह्य़ातील ८० शाळांवर कारवाई

पुणे जिल्हा परिषदेच्या क्षेत्रामध्ये ८० शाळा शासनाच्या किंवा स्थानिक स्वराज्य संस्थेच्या परवानगीशिवाय सुरू असून या शाळांची मान्यता काढून घेण्याचा निर्णय पुणे जिल्हा परिषदेने घेतला असल्याचे

| April 3, 2013 01:48 am

पुणे जिल्हा परिषदेच्या क्षेत्रामध्ये ८० शाळा शासनाच्या किंवा स्थानिक स्वराज्य संस्थेच्या परवानगीशिवाय सुरू असून या शाळांची मान्यता काढून घेण्याचा निर्णय पुणे जिल्हा परिषदेने घेतला असल्याचे त्यांच्या प्रसिद्धीपत्रकात म्हटले आहे.
शिक्षण हक्क कायद्यातील कलम १८ नुसार कोणतीही शाळा सुरू करताना शासनाची किंवा स्थानिक स्वराज्य संस्थेची परवानगी घेणे आवश्यक आहे. मात्र, पुणे जिल्ह्य़ातील ८० शाळा मान्यतेशिवाय सुरू असून या शाळांवर कारवाई करण्याचे आदेश शिक्षणाधिकाऱ्यांनी दिले आहेत. यामध्ये आंबेगाव तालुक्यात एक, बारामती तालुक्यात ६, भोर तालुक्यात ४, दौंड तालुक्यात ४, हवेली तालुक्यात ३, इंदापूर तालुक्यात ७, जुन्नर तालुक्यात ६, खेड तालुक्यात १२, मावळ तालुक्यात १४, मुळशी तालुक्यात १२, पुरंदर तालुक्यात ५ आणि शिरूर तालुक्यातील ११ शाळांचा समावेश आहे.
शासनाच्या मान्यतेशिवाय किंवा शासनाने मान्यता काढून घेतल्यानंतर शाळा चालवण्यात येत असेल तर संस्थाचालकांना १ लाख रुपयांपर्यंत दंड आणि तरीही शाळा सुरू राहिल्यास दर दिवशी १० हजार रुपयांपर्यंत दंड करण्याची तरतूद अधिनियमामध्ये आहे. या तरतुदीनुसार शाळांवर कारवाई करण्यात येत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 3, 2013 1:48 am

Web Title: action on 80 schools in pune district who are still without recognition
Next Stories
1 क्रांतीची गाणी, कबीर कला मंच ते नक्षलवादी विचार!
2 चांदेरे यांच्या दोन मुलांसह चौघांना अटक
3 कोथरूडमध्ये ‘एसआरए’चा बोजवारा
Just Now!
X