19 September 2020

News Flash

खंडाळा घाटात कार कोसळून एकजण ठार, तिघे आश्चर्यकारकरित्या बचावले

जखमी झालेल्या तिघांवर लोणावळा येथील रुग्णालयात उपचार सुरू आहेत

खंडाळा घाटातील टायगर पॉईंटजवळ पहाटेच्या सुमारास एक कार दरीत पडली आणि एकाचा मृत्यू झाला. तर सीटबेल्ट लावल्यामुळे इतर तिघेजण आश्चर्यकारक रित्या बचावले. पहाटे ३ वाजून ५८ मिनिटांनी शिवदुर्ग टीमला आय. एन. एस. शिवाजीपासून लायन्स पॉईंटकडे जाणाऱ्या घाटात एक चारचाकी महिंद्रा एक्सयुव्ही ५०० दरीत कोसळल्याचा फोन आला. या कारमधले काही लोक जखमी झाल्याची माहिती या शिवदुर्ग टीमला मिळाली. जी मिळताच पोलीस आणि रेस्क्यू टीम घटनास्थळी दाखल झाले.

ही कार सुमारे १५० फूट दरीत कोसळली. दरीतल्या घनदाट आणि गर्द झाडांमध्ये ही कार पडलेली आढळून आली. या कारच्या एका बाजूला एक तरूण पडलेला आढळून आला. तपास केला असता त्याचा मृत्यू झाल्याचे समजले. मनिष रमेश प्रीतवानी असे या तरूणाचे असं या तरूणाचं नाव आहे. त्याचे वय २५ असल्याचेही समजते आहे. तो खारघरचा रहिवासी होता.

संतोष पाटील, भक्ती पाटील आणि अमोल कुंटे हे तिघेजण या अपघातात जखमी झाले आहेत. या तिघांनाही लोणावळा येथील स्थानिक रुग्णालयात उपचारांसाठी हलवण्यात आलं. शिवदुर्ग रेस्क्यू टीमने सकाळी सहाच्या सुमारास मृत तरूणाचा मृतदेह बाहेर काढला. हा अपघात कसा झाला याचा शोध आता पोलीस घेत आहेत.

शिवदुर्ग रेस्क्यू टीम

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 28, 2018 4:34 pm

Web Title: car accident at khandala ghat one dead three injured
Next Stories
1 उंदीर, घुशी व खेकड्यांनी पोखरला मुठा कालवा: गिरीश महाजनांचा अंदाज
2 उद्धव ठाकरेंची पुणे कालवा दुर्घटनेतील महिलेला दीड लाखांची मदत, ‘लोकसत्ता’च्या बातमीची दखल
3 शिवरायांच्या पोवाड्याला पाकिस्तानी विद्यार्थ्यांची उत्स्फूर्त दाद
Just Now!
X