News Flash

आकुर्डीतील बजाज ऑटो कंपनीत आग

आकुर्डीतील बजाज ऑटो कंपनीच्या मागील बाजूस असलेल्या संशोधन आणि विकास केंद्रात गुरुवारी सकाळी साडेदहाच्या सुमारास अचानक आग लागली.

| January 15, 2015 05:35 am

आकुर्डीतील बजाज ऑटो कंपनीच्या मागील बाजूस असलेल्या संशोधन आणि विकास केंद्रात गुरुवारी सकाळी साडेदहाच्या सुमारास अचानक आग लागली. या ठिकाणी असणाऱ्या लाकडी साहित्य व रबराच्या कच्च्या मालामुळे काही वेळातच आग पसरली. तथापि, अग्निशामक दलाने तातडीने घटनास्थळी धाव घेतली आणि दोन तासांच्या अथक प्रयत्नानंतर आग आटोक्यात आली. आगीच्या या घटनेत सुदैवाने कोणतीही जीवित हानी झाली नाही. शॉर्टसर्किटमुळे आग लागली असावी, असा प्राथमिक अंदाज व्यक्त करण्यात आला. आगीमुळे परिसरात प्रचंड धूर पसरला होता, त्यामुळे काही प्रमाणात घबराट पसरली होती. त्याचप्रमाणे डोळे चुरचुरणे व उग्र वास येत असल्याच्या तक्रारीही नागरिकांनी केल्या.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 15, 2015 5:35 am

Web Title: fire at bajaj auto company in akurdi
Next Stories
1 द्रुतगती की कासवगती?
2 येत्या वर्षांत अनेक ठिकाणी उड्डाणपूल, भुयारी मार्ग
3 वारजे ते विठ्ठलवाडी नदीपात्रातील रस्ता पंधरा दिवसात उखडून टाका
Just Now!
X