News Flash

पुणे : ‘रेकी’साठी सुरू केलं चायनीज रेस्तराँ; भिंत फोडून दीड किलो चांदीसह सोने केले लंपास

चार अज्ञात नेपाळी नागरिकांनी ज्वेलर्सचं दुकान फोडल्याची घटना पुण्यात घडली. आरोपींनी दुकानात चोरी करण्याआधी चायनीज गाडा सुरू करून रेकीही केली होती.

चार अज्ञात नेपाळी नागरिकांनी ज्वेलर्सचं दुकान फोडल्याची घटना पुण्यात घडली. आरोपींनी दुकानात चोरी करण्याआधी चायनीज गाडा सुरू करून रेकीही केली होती.

आधी चायनीज रेस्तराँ सुरू करून रेकी केली आणि नंतर ज्वेलर्सच्या दुकानांवर चौघांनी हात डल्ला मारल्याची घटना पुण्यात घडली आहे. सराफाच्या दुकाना शेजारी चायनीज सुरू करून अज्ञात चार नेपाळी तरुणांनी सराफाच दुकान फोडल्याच समोर आलं आहे. विशेष म्हणजे आरोपींनी चायनीज सुरू केलेल्या दुकानातून थेट सराफ दुकानाच्या भिंतीला भोक पाडून दुकान फोडले आहे.

अज्ञात आरोपींनी दुकान फोडून दीड किलो चांदी आणि दहा ग्रॅम सोन्याच्या अंगठ्या यासह इतर साहित्य चोरुन नेल्याचं फिर्यादीत म्हटलं आहे. अस एकूण 1 लाख 55 हजारांचा मुद्देमाल लंपास केला आहे. या घटने प्रकरणी विष्णू काळूराम वर्मा यांनी फिर्याद दिली आहे. पुण्याच्या बावधन परिसरातील हुतात्मा चौकात अज्ञात चार आरोपींनी आठ दिवसांपूर्वी चायनीज चा व्यवसाय सुरू करायचा म्हणून दुकान घेतलं होतं.

आरोपींनी चायनीज रेस्तराँ सुरू केलं. फ्लॉवर रेस्टोरंट अस नाव देण्यात आलं. त्याच्या शेजारीच जगदंबा ज्वेलर्स नावाचे सराफ दुकान होते. चायनीज आणि सराफ दुकानामध्ये एकच भिंत होती. हेच हेरून त्यांनी एका रात्रीत पोट माळाच्या भिंतीला मोठे भोक पाडून सराफा दुकानात प्रवेश करत दीड किलो चांदीचे दागिने आणि दहा ग्रॅम सोन्याच्या अंगठ्या लंपास केल्या आहेत. ही घटना गेल्या आठवड्यात पुण्याच्या बावधन परिसरात घडली असून चोरटे सीसीटीव्हीचा डिव्हीआर घेऊन पसार झाले आहेत. त्यांचा शोध हिंजवडी पोलीस घेत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 21, 2021 1:25 pm

Web Title: pune crime news pune latest news pune police robbery in jewellery shop bmh 90 kjp 91
टॅग : Maharashtra Police
Next Stories
1 पुणे : राष्ट्रवादीचे शहराध्यक्ष प्रशांत जगताप यांच्यासह सहा जणांना अटक व जामीन
2 काँग्रेस पाच वर्षे महाआघाडीसोबतच
3 गर्दीसाठी अजित पवार दोषी नाहीत
Just Now!
X