पुणे-बंगळुरू महामार्गावर सोमवारी पहाटे एका खासगी बसचा अपघात होऊन त्यात तीन प्रवाशांचा मृत्यू झाला. या अपघातात आठ जण जखमी झाले आहेत.
बंगुळूर मार्गावर नेर्ले गावाजवळ हा अपघात झाला. यामध्ये सागर साळुखे (रा. सांगली), नजीर मुजावर (रा. गुंडेवाडी, मिरज) आणि कृष्णा पाटील (रा. बेळगाव) अशी अपघातात मृत्युमुखी पडलेल्यांची नावे आहेत. जखमींवर कराडमधील कृष्णा रुग्णालयात उपचार सुरू आहेत. दुभाजकाला धडकून ही बस उलटल्यामुळे हा अपघात झाल्याचे पोलिसांनी सांगितले.