Premium

नवले पुलाजवळ पुन्हा अपघात, कंटेनरची पाच वाहनांना धडक; चौघे जखमी

मुंबई-बंगळुरू बाह्यवळण मार्गावर नवले पुलाजवळ शनिवारी सायंकाळी पु्न्हा अपघात झाला. अवजड ट्रकने (कंटेनर) पाच वाहनांना धडक दिली.

Another accident near Navale bridge container collided with five vehicles pune news 
नवले पुलाजवळ पुन्हा अपघात, कंटेनरची पाच वाहनांना धडक;  चौघे जखमी

पुणे : मुंबई-बंगळुरू बाह्यवळण मार्गावर नवले पुलाजवळ शनिवारी सायंकाळी पु्न्हा अपघात झाला. अवजड ट्रकने (कंटेनर) पाच वाहनांना धडक दिली. अपघातात चौघेजण जखमी झाले. भरधाव ट्रकने मोटारीला दीड किलोमीटर फरफटत नेले. सुदैवाने या घटनेत जिवीतहानी झाली नाही. अपघातानंतर या भागातील वाहतूक काळी काळ विस्कळीत झाली.

या बातमीसह सर्व प्रीमियम कंटेंट वाचण्यासाठी साइन-इन करा

बाह्यवळण मार्गावर नवले पुलाजवळ  सायंकाळी पावणेसहाच्या सुमारास भरघाव कंटेनरने शिवशाही बसला धडक दिली. त्यानंतर कंटेनरने डंपर, टेम्पो, मोटारीला धडक दिली. मोटार सुमारे दीड किलोमीटर फरफटत नेली. अपघातानंतर वाहनचालक भयभीत झाले. वाहनचालक, तसेच नागरिकांनी कंटेनरचालकाला पाठलाग करुन पकडले. अपघातानंतर बाह्यवळण मार्गावरील वाहतूक विस्कळीत झाली. सिंहगड पोलिसांनी घटनास्थळी धाव घेतली. पोलिसांनी कंटेनरचालकाला ताब्यात घेतले.

हेही वाचा >>>“प्रफुल पटेलांच्या घराचे किती मजले ईडीने का ताब्यात घेतले यावर…”; शरद पवारांचा हल्लाबोल, म्हणाले…

वाहतूक पोलिसांनी तातडीने वाहतूक सुरळीत करण्यासाठी प्रयत्न सुरू केले. अपघातग्रस्त वाहने क्रेनच्या सहायाने बाजूला काढण्यात आली. त्यानंतर या भागातील वाहतूक सुरळीत झाले. अपघातात चौघेजण जखमी झाले असून, त्यांना रुग्णालयात दाखल करण्यात आले आहे. सुदैवाने या घटनेत जीवितहानी झाली नाही, अशी माहिती पोलिसांनी दिली.नवले पूल परिसरात अपघातांचे सत्र कायम आहे. बहुतांश अपघात भरधाव वेगामुळे झाले असून, ११ नोव्हेंबर राेजी अवजड कंटेनरने चार ते पाच वाहनांना धडक दिली. अपघातात चालकाचा मृत्यू झाला होता.

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Another accident near navale bridge container collided with five vehicles pune print newsrbk 25 amy

First published on: 02-12-2023 at 23:10 IST

आजचा ई-पेपर : पुणे

वाचा