पुणे : भिवंडीत अल्पवयीन मुलाचे अपहरण करून त्याचा खून केल्याप्रकरणी दाखल गुन्ह्यात बंडगार्डन पोलिसांनी ताडीवाला रस्ता परिसरातील सराईताला अटक केली. रामनाथ उर्फ पापा मेमीनाथ सोनावणे (वय २२, रा. ताडीवाला रस्ता) असे अटक करण्यात आलेल्याचे नाव आहे. भिवंडी शहरात १४ फेब्रुवारी रोजी एका अल्पवयीन मुलाचे अपहरण करून त्याचा खून करण्यात आल्याची घटना घडली होती. या प्रकरणी करण हनुमंत लष्करे, दिनेश मारुती मोरे, चंदन उपेंद्रप्रसाद गौड, कैलास खंडू धोत्रे, आकाश परशुराम जाधव, विशाल विठ्ठल साबळे यांच्याविरुद्ध गुन्हा दाखल करण्यात आला होता. पसार झालेल्या आरोपींचा भिवंडी पोलिसांकडून शोध घेण्यात येत होता. पुण्यातील बंडगार्डन पोलिसांना घटनास्थळावरचे सीसीटीव्ही चित्रीकरण, तसेच आरोपींचे छायाचित्र उपलब्ध झाले होते.

हेही वाचा : ‘राष्ट्रवादीने सिंचन, बँक घोटाळा केला ना? मग चौकशी करा’, मोदींना आव्हान देताना अजित पवारांची कोंडी

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: In pune youth arrested for murder of a minor boy in bhiwandi pune print news rbk 25 css
First published on: 25-02-2024 at 12:38 IST