ओशो आश्रमातील भूखंडांच्या विक्रीस परवानगी नाकारली; सहधर्मादाय आयुक्तांचा निर्णय : १०७ कोटींचा व्यवहार स्थगित

पुणे : येथील ‘ओशो इंटरनॅशनल मेडिटेशन रिसॉर्ट’चे (पूर्वीचा ओशो किंवा-रजनीश आश्रम) संचालन करणाऱ्या ‘ओशो इंटरनॅशनल फाऊंडेशन’ला (ओआयएफ) कोरेगाव पार्क या उच्चभ्रू परिसरातील दोन भूखंड विक्रीसाठीची परवानगी नाकारण्यात आली आहे. मुंबईतील सहधर्मादाय आयुक्त कार्यालयाने या संदर्भातील अर्ज नाकारला आहे.  या विक्री व्यवहारास दिवंगत आध्यात्मिक गुरू ओशोंच्या शिष्यांच्या एका गटाचा तीव्र विरोध आहे.

आणखी वाचा

राज्य निवडणूक आयुक्तपदाचा आज निर्णय; नितीन करीर, राजीव जलोटा, राजगोपाल देवरा स्पर्धेत

…तर औषधाची गरजच नाही! वाचा निरोगी आयुष्य जगण्यासाठी…

व्यावसायिक स्वरुपाच्या झोपड्यांना मालमत्ता कर लावण्यास विरोध, माजी विरोधी पक्ष नेते रवी राजा यांचे आयुक्तांना पत्र

कर्मचाऱ्यांच्या ताणावर ॲपची मात्रा ! पुणे महापालिका प्रशासनाचा स्थायी समितीसमोर प्रस्ताव

विश्लेषण : वाहतूक नियम मोडणारे दाखवा नि बक्षीस मिळवा… व्हिएतनाममधील अनोख्या उपायाची भारतातही नेटकऱ्यांमध्ये काय चर्चा?

उदयनराजेंसह वारसांना जमीन महसूल सूट कायम, राज्य शासनाचा निर्णय

विश्लेषण : राज्यात १ एप्रिलपासून सर्व वाहनांना फास्टॅग बंधनकारक… नेमके काय होणार?

साहित्य संमेलनासाठी महाराष्ट्र सदन मिळेना! शुल्काच्या मुद्द्यावर चार महिन्यांपासून खल

हेही वाचा >>> इंद्रायणी तांदळाच्या उत्पादनात घट

‘ओशो इंटरनॅशनल फाऊंडेशन’ने (ओआयएफ) ‘ओशो इंटरनॅशनल मेडिटेशन रिसॉर्ट’मधील सुमारे नऊ हजार ८०० चौरस मीटरचे दोन भूखंड विकण्याची परवानगी मागितली होती. या भूखंडांची उद्योगपती राहुल बजाज यांच्या कुटुंबाच्या विश्वस्त मंडळाला (ट्रस्ट) १०७ कोटींना विक्री होणार होती. मात्र, ओशोंच्या शिष्यांच्या बंडखोर गटाने या व्यवहारास तीव्र आक्षेप घेतला होता. ‘ओआयएफ’चे विश्वस्त आध्यात्मिक गुरू ओशोंचा आश्रमरूपी वारशाला धक्का पोहोचवण्याचा प्रयत्न करत असल्याचा या गटाचा आरोप आहे. या विक्री व्यवहारास परवानगी नाकारताना सहधर्मादाय आयुक्त आर. यू. मालवणकर यांनी ७ डिसेंबर रोजी दिलेल्या आदेशात ‘राजीवनयन राहुलकुमार बजाज आणि ऋषभ फॅमिली ट्रस्ट’कडून मिळालेली ५० कोटीं रुपयांची आगाऊ रक्कम (इसारा) व्याजाशिवाय परत करावी, असे नमूद केले आहे.