पुणे : महायुतीचे पुण्यातील उमेदवार मुरलीधर मोहोळ यांच्या प्रचारात ताकदीने उतरण्याचा निर्णय महाराष्ट्र नवनिर्माण सेनेने घेतला आहे. मात्र, प्रचारात सक्रिय असताना मनसे नेत्यांचा योग्य सन्मान राखला जावा, अशी अपेक्षा मनसे पदाधिकाऱ्यांनी व्यक्त केली असून, भाजपनेही त्याला प्रतिसाद दिला आहे. त्यामुळे शहरातील सहाही विधानसभा मतदारसंघात मनसेकडून प्रचार केला जाणार असल्याचे स्पष्ट झाले आहे.

मनसे अध्यक्ष राज ठाकरे यांनी गुढीपाडव्याच्या सभेत महायुतीला बिनशर्त पाठिंबा देण्याचा निर्णय जाहीर केला होता. त्यानंतर महायुतीच्या प्रचारात कशा पद्धतीने सहभागी व्हायचे, यादृष्टीने मनसेच्या प्रमुख नेत्यांची काही दिवासंपूर्वी बैठक झाली होती. या पार्श्वभूमीवर मनसे नेते अमित ठाकरे यांनी पुणे लोकसभा मतदारसंघाचा आढावा घेतला. त्यावेळी महायुतीचे पुण्यातील उमेदवार मुरलीधर मोहोळ यांनी अमित ठाकरे यांची मनसे पक्ष कार्यालयात भेट घेतली. त्यानंतर मनसे पूर्ण ताकदीने प्रचारात सक्रिय होईल, असे ठाकरे यांनी जाहीर केले. मनसे नेते राजेंद्र उर्फ बाबू वागसकर, शहराध्यक्ष साईनाथ बाबर, सरचिटणीस अजय शिंदे, रणजित शिरोळे, भाजपचे प्रदेश उपाध्यक्ष राजेश पांडे, शहराध्यक्ष धीरज घाटे, माजी नगरसेवक हेमंत रासने यावेळी उपस्थित होते. या भेटीनंतर मोहोळ आणि मनसेचे सरचिटणीस वागसकर यांनी संयुक्तपणे पत्रकारांशी संवाद साधला. शहरातील सहाही विधानसभा मतदारसंघात मनसे कार्यकर्ते आणि पदाधिकारी सक्रिय होतील. मात्र, त्यांचा यथोचित सन्मान राखला जावा, अशी अपेक्षा वागसकर यांनी यावेळी व्यक्त केली.

ramdas athawale poem on uddhav thackeray
“उद्धवजी महाराष्ट्रात आता चालणार नाही तुमचे नखरे, कारण आता आमच्याबरोबर आहेत राज ठाकरे”; रामदास आठवलेंचा टोला!
Aarti Aale and Tejas Garge
दीड लाखांच्या लाच प्रकरणात पुरातत्त्व खात्याचे तेजस गर्गे, आरती आळे जाळ्यात, फरार तेजस गर्गेंचा शोध सुरु
bombay hc refuses to entertain pil seeking fir against celebrities for tobacco gutka ads
तंबाखू आणि गुटख्यांच्या जाहिरातींविरोधातील याचिका निव्वळ प्रसिद्धीसाठी, उच्च न्यायालयाच्या ताशेऱ्यानंतर याचिका मागे
Tax, Dharashiv, Tax terrorism, uddhav Thackeray,
कर दहशतवाद नष्ट करणार, महाविकास आघाडीच्या सभेत ठाकरेंची घोषणा
Do Anjali Damania and Suhas Kande have the right to challenge the acquittal Chhagan Bhujbals question in HC
महाराष्ट्र सदन प्रकरण : दोषमुक्तीला आव्हान देण्याचा अधिकार दमानिया, कांदे यांना आहे का? उच्च न्यायालयातील सुनावणीदरम्यान भुजबळ यांच्याकडून प्रश्न उपस्थित
Suresh Halvankar, Kolhapur,
कोल्हापूर : सत्तेत न येणाऱ्याच्याच फुकट देण्याच्या घोषणा – सुरेश हाळवणकर
supreme court
राज्यातील खारफुटीच्या जंगलातून गॅस पाइपलाइन टाकण्याचं प्रकरण, सर्वोच न्यायालयाकडून प्रतिज्ञापत्र दाखल करण्याचे निर्देश
nan patole
विशाल पाटलांवरील कारवाईस टाळाटाळ; सांगलीत काँग्रेस मेळाव्यात आघाडीचे काम करण्याचे आवाहन

हेही वाचा – अजित पवारांनी सपत्निक घेतले दगडूशेठ हलवाई गणपतीचे दर्शन; सुनेत्रा यांनी देवाला केली ‘ही’ प्रार्थना

‘शहरातील पक्षाच्या सर्व प्रमुख पदाधिकारी, संघटकांबरोबर चर्चा करण्यात आली आहे. अमित ठाकरेही सर्वांबरोबरच चर्चा करत आहेत. सन्मानाची वागणूक महायुतीचे पदाधिकारी देतील, अशी अपेक्षा ठाकरे यांनी व्यक्त केली आहे. त्यानुसार प्रचारात सक्रिय होणार असल्याचे,’ वागसकर यांनी सांगितले.

अमित ठाकरे यांची सदिच्छा भेट घेतली. मनसे प्रचारात सक्रिय होणार असल्याने महायुतीची ताकद वाढणार आहे. राज ठाकरे यांना मानणारा मोठा वर्ग शहरात आहे. सर्वच पक्ष एकदिलाने काम करून मोठ्या मताधिक्याने विजय प्राप्त करतील. – मुरलीधर मोहोळ, उमेदवार, महायुती

वसंत मोरेंना टोला

अमित ठाकरे यांनी पक्षाच्या पदाधिकाऱ्यांची बैठक घेतली. या बैठकीनंतर वसंत मोरे यांना अमित ठाकरे यांनी टोला लगाविला. मनसेने पाठिंबा द्यावा, अशी अपेक्षा मोरे यांनी व्यक्त केली होती. त्यासंदर्भात बोलताना ठाकरे म्हणाले की, मोरे यांना पंतप्रधान होण्याचे स्वप्न पडत आहे. ते समाजमाध्यमाच्या आहारी गेले आहेत. मनसेच्या पाठिंब्याची अपेक्षा ठेवण्यापेक्षा मोरे यांनी निवडणुकीतून माघार घ्यावी आणि राज ठाकरे यांच्या आदेशानुसार महायुतीच्या उमेदवारांचा प्रचार करावा.

हेही वाचा – पुण्यात आज प्रचाराची रणधुमाळी; प्रमुख नेत्यांच्या उपस्थितीत महायुती आणि महाविकास आघाडीच्या जाहीर सभा

मुंबईत राज ठाकरे आणि पंतप्रधान मोदी यांची सभा होईल, अशी शक्यता बोलून दाखविताना भाजपला देशात तीनशेपेक्षा जास्त जागा मिळतील, असा अंदाज व्यक्त केला.