Premium

पुतण्याने केला विश्वासघात; काका-काकूची ७५ लाखांची फसवणूक

याप्रकरणी प्रितम प्रवीणचंद्र दर्डा (रा. शुक्रवार पेठ) याच्याविरुद्ध गु्न्हा दाखल करण्यात आला आहे.

Nephew cheated uncle aunt stealing 75 lakhs pimpri pune
पुतण्याने केला विश्वासघात; काका-काकूची ७५ लाखांची फसवणूक (छायाचित्र- लोकसत्ता ग्राफिक्स टीम)

पुणे: विश्वासाने पुतण्याला घराच्या आणि कपाटाच्या चाव्या दिल्या. त्याने काकूचे लक्ष नसताना कपाटातील २५ लाख ७२ हजारांची रोख रक्कम आणि सोन्या चांदीचे दागिने चोरले, तसेच बँक खात्यातील ५० लाख रुपये रुपये परस्पर काढून घेतल्याचा प्रकार उघडकीस आला आहे.

या बातमीसह सर्व प्रीमियम कंटेंट वाचण्यासाठी साइन-इन करा

याप्रकरणी प्रितम प्रवीणचंद्र दर्डा (रा. शुक्रवार पेठ) याच्याविरुद्ध गु्न्हा दाखल करण्यात आला आहे. याबाबत विजया प्रकाशचंद्र दर्डा (वय ७०,रा. शुक्रवार पेठ) यांनी खडक पोलीस ठाण्यात फिर्याद दिली आहे.

हेही वाचा… ललित पाटीलला ससूनमधून पळून जाण्यासाठी मदत करणाऱ्या सहाच आरोपींविरुद्ध आरोपपत्र; अन्य आरोपींविरुद्ध का नाही?

पोलिसांनी दिलेल्या माहितीनुसार, विजया दर्डा यांच्या पतीचे २०१८ मध्ये निधन झाले होते. आरोपी प्रितम हा काकू विजया यांच्याकडे राहायला आहे. विजया यांनी प्रितमकडे विश्वासाने घर आणि कपाटाच्या चाव्या दिल्या होत्या. प्रितमने ५९ तोळे सोन्याचे दागिने आणि २५ लाख ७२ हजार ५०० रुपये रोख रक्कमेचा अपहार केला. तसेच आधारकार्ड बँक खात्याशी जोडायच असल्याची बतावणी करुन काकाच्या मोबाइल क्रमाकांचा गैरवापर करुन बँक खात्यातून परस्पर ५० लाख रुपये वेळोवेळी काढले, असे विजया यांनी फिर्यादीत म्हटले आहे.

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Nephew cheated uncle and aunt by stealing 75 lakhs in pimpri pune print news ggy 03 dvr

First published on: 06-12-2023 at 17:02 IST

आजचा ई-पेपर : पुणे

वाचा