लोकसत्ता प्रतिनिधी पुणे: नगर रस्त्यावर केसनंद परिसरात दोन मोटारींची समोरासमोर धडक होऊन मोटारचालक तरुणाचा मृत्यू झाल्याची घटना घडली. अपघातात चौघे जण जखमी झाले. मयूर भाऊसाहेब बहिरट (वय २५, रा. केसनंद, ता. हवेली) असे मृत्युमुखी पडलेल्या तरुणाचे नाव आहे. अपघातात योगेश केंजळे , सर्जेराव माने, किरण गावडे, अजय जाधव जखमी झाले असून, त्यांच्यावर रुग्णालयात उपचार सुरू असल्याची माहिती लोणीकंद पोलिसांनी दिली. मोटारचालक मयूर केसनंद-बकोरी रस्त्याने निघाला होता. त्या वेळी दुसऱ्या मोटारीतून चौघेजण नगरहून पुण्याकडे निघाले होते. भरधाव मोटारींची समोरासमोर धडक झाली. अपघातात मयूर याचा जागीच मृत्यू झाला.
