खोपोली हद्दीत पुणे-मुंबई एक्सप्रेसवरील भीषण अपघातात कुटुंबातील आई, वडील आणि मुलाचा मृत्यू झाल्याची घटना घडली आहे. अवघ्या २७ सेकंदात कारवरील ताबा सुटल्याने पुणे- मुंबई एक्सप्रेस वे'वर झालेल्या भीषण अपघाताचा व्हिडिओ कॅमेरामध्ये कैद झाला आहे. गुरुवारी दुपारी ही घटना घडली होती. त्यानंतर व्हिडिओतून या अपघाताची भीषणता समोर आली आहे. पुणे-मुंबई एक्सप्रेसवेवर गुरुवारी दुपारी कारचा भीषण अपघात झाला. यात, एकाच कुटुंबातील तिघांचा मृत्यू झाल्याने हळहळ व्यक्त होत आहे. दरम्यान, या अपघाताचा काळजाचा ठोका चुकवणारा व्हिडिओ समोर आला असून यातून अपघाताची भीषणता दिसून येत आहे. मुंबईच्या दिशेने जाणाऱ्या भरधाव कारवरील चालकाचा ताबा सुटला आणि गाडी लेन सोडून जात असताना पाठीमागील भरधाव कंटेनरने कारला चिरडले, त्यातच समोरील ट्रकला देखील धडकला. कारचा चक्काचूर! 'पुणे-मुंबई एक्सप्रेस वे'वर भीषण अपघात 'पुणे- मुंबई एक्सप्रेस वे'वर भरधाव कारच्या भीषण अपघाताची दृश्य कॅमेरामध्ये कैद झाली. कंटेनरने कारला पाठीमागून जोराची धडक दिल्याने कार समोर असलेल्या भरधाव ट्रकवर जाऊन आदळल्याने गाडीचा चक्काचूर झाला. @LoksattaLive pic.twitter.com/uwfs8EcO4X — LoksattaLive (@LoksattaLive) July 3, 2021 या भीषण अपघातात कारमधून प्रवास करत असलेल्या एकाच कुटुंबातील तिघांचा मृत्यू झाला आहे. अपघातात कंटेनर देखील उलटल्याने चालक गंभीर जखमी झाला असून त्याच्यावर खासगी रुग्णालयात उपचार सुरू असल्याचे महामार्ग पोलिसांनी सांगितले आहे. या अपघातात कंटेनरचे मोठे नुकसान झाले असून कार चक्काचूर झाली आहे.