Maharashtrian Style Salad Recipe : रोज वरण-भातासह भाजी खाऊन खूप वैताग येतो. अशा वेळी आपण एक तर लोणचे-पापड घेतो, भजी किंवा विविध प्रकारच्या चटणीचा आस्वाद घेतो. पण, काही वेळा हे पदार्थ खाऊनही खूप कंटाळा येतो. मग आपल्याला काहीतरी आणखी वेगळे काहीतरी खाण्याची इच्छा होते. अशा वेळी तुम्ही घरच्या घरी काकडीपासून खमंग अशी चटपटीत कोशिंबीर बनवू शकता. खाण्यास चविष्ट आणि बनविण्यास अगदी सोपी अशी ही रेसिपी आहे. त्यात उन्हाळ्यात पोटात थंडावा निर्माण करण्यासाठी ही काकडीची कोशिंबीर अगदी उत्तम आहे. काही मिनिटांत तयार होणारा हा पदार्थ तुम्ही वरण-भात किंवा भाकरीबरोबरही अगदी सहज खाऊ शकता. चला तर मग जाणून घेऊ काकडीची ही खमंग कोशिंबीर कशी करायची ते. साहित्य २ मध्यम आकाराच्या काकड्या२ चमचे शेंगदाण्याचे कूट१ हिरवी मिरची१ चमचा पिठीसाखर१ चमचा मीठअर्ध्या लिंबाचा रसकोथिंबीर कृती सर्वप्रथम एका भांड्यात दोन मध्यम आकाराच्या काकड्या स्वच्छ धुऊन, त्यांच्या साली काढून, त्या किसून घ्या. त्यानंतर त्यात दोन चमचे शेंगदाण्याचे मध्यम आकारात कुटलेले कूट, दोन बारीक चिरलेल्या हिरव्या मिरच्या, पिठीसाखर, मीठ, लिंबाचा रस आणि कोथिंबीर मिसळून घ्या. अशा प्रकारे तयार झाली काकडीची खमंग कोशिंबीर. तुम्ही वरणभात किंवा भाकरीबरोबरही कोशिंबीर खाऊ शकता.