या वर्षामध्ये अनेक स्मार्टफोन्स भारतीय बाजारपेठेमध्ये लॉन्च केले गेले आहेत. तसेच पुढेही अनेक कंपन्या आपले स्मार्टफोन बाजारात लॉन्च करणार आहे. मात्र नुकताच सॅमसंगने आपला Galaxy M34 5G लॉन्च केला आहे. तर दुसरीकडे iQOO ने Neo 7 Pro 5G हा फोन लॉन्च केला आहे. आज आपण या दोन्ही स्मार्टफोनमध्ये कोणता फोन बेस्ट आहे ,त्याचे फीचर्स किंमत काय आहे हे जाणून घेऊयात.

सॅमसंग Galaxy M34 5G चे स्पेसिफिकेशन्स

सॅमसंग Galaxy M34 5G वापरकर्त्यांना ६.५ इंचाचा फुल एचडी AMOLED डिस्प्ले मिळणार आहे. ज्याचा रिग्रेश रेट हा १२० Hz इतका आहे. डिस्प्लेला गोरिला ग्लास ५ चे संरक्षण देण्यात आले आहे. हा फोन 5nm Exynos 1280 चिपसेटद्वारे समर्थित आहे . यामध्ये तुम्हाला वापरण्यासाठी ८ जीबी रॅम आणि २५६ जीबी स्टोरेज मिळणार आहे. सेफ्टी फीचर्सबद्दल बोलायचे झाल्यास यात साईड माउंट केलेले फिंगरप्रिंट सेन्सर देण्यात आले आहे. हा फोन अँड्रॉइड १३ वर आधारित One UI वर चालतो.

Adani six shares at pre Hindenburg levels print eco news
अदानींचे सहा समभाग हिंडेनबर्ग-पूर्व पातळीवर; अदानी पोर्ट्सचा ‘सेन्सेक्स’मध्ये लवकरच समावेश
robbert
चिप-चरित्र: ‘एक अखेरचा प्रयत्न’..
car cabin air in the increase the risk of cancer
कारमधील हवेमुळे वाढू शकतो कर्करोगाचा धोका? वाचा तज्ज्ञ काय सांगतात…
bliinkit news
एका आईची शक्ती! ब्लिंकिटला ‘ही’ गोष्ट फ्री द्यावीच लागली, स्वतः सीईओने केली पोस्ट
boy and girl fight in stadium Video viral
स्टेडियममध्ये प्रेक्षकांची तुंबळ हाणामारी, स्टँडमध्ये बसलेल्या मुलीने समोरच्याला कानशिलात लगावली अन्… VIDEO होतोय व्हायरल
BTS band Controversy k pop drama Hybe company Min Hee-jin
BTS बँडमध्ये आरोप-प्रत्यारोप, रडारडी आणि वाद; के पॉपच्या लोकप्रियतेला धक्का?
CSK fans teach dance steps to cheer girls
VIDEO : CSK च्या चाहत्यांनी भर स्टेडियममध्ये शिकवला चीअर गर्ल्सना डान्स, व्हिडीओ होतोय व्हायरल
end of the day Bombay Stock Market index Sensex rise by 260 points
तीन सत्रातील घसरणीला लगाम, सेन्सेक्समध्ये २६० अंशांची भर

हेही वाचा : VIDEO: Samsung च्या ‘या’ फोनमध्ये मिळणार दोन दिवसांचा जबरदस्त बॅटरी बॅकअप, एकाचवेळी घेता येणार ४ व्हिडीओ आणि…

iQOO Neo 7 Pro 5G चे फीचर्स आणि स्पेसिफिकेशन्स

iQOO Neo 7 Pro मध्ये वापरकर्त्यांना ६.७८ इंचाचा AMOLED फ्लॅट डिस्प्ले मिळणार आहे. ज्याला १२० Hz चा रिफ्रेश रेट मिळेल. या डिस्प्लेमध्ये फुल एचडी + रिझोल्युशन ऑफर करते. हा फोन Snapdragon 8+ Gen 1 चिपसेटला सपोर्ट करतो. यामध्ये फोनमध्ये कंपनीने वापरकर्त्यांना १२ जीबी रॅम आणि २५६ जीबी स्टोरेज ऑफर केले आहे. हा फोन अँड्रॉइड १३ वर आधारित FuntouchOS 13 वर चालतो. हा फोन इन-डिस्प्ले फिंगरप्रिंट सेन्सरसह येतो.

Galaxy M34 5G चा कॅमेरा

सॅमसंगने लॉन्च केलेल्या नवीन स्मार्टफोनच्या कॅमेऱ्याबद्दल बोलायचे झाल्यास यामध्ये ट्रिपल रिअर कॅमेरा सेटअप देण्यात आला आहे. ज्यामध्ये OIS सह ५० मेगापिक्सलचा प्रायमरी सेन्सर, ८ मेगापिक्सलचा अल्ट्रा वाईड अँगल लेन्स आणि २ मेगापिक्सलच्या मॅक्रो सेन्सरचा समावेश आहे. ट्रिपल रिअर कॅमेरा सेटअप मॉन्स्टर शॉट २.० फीचरला सपोर्ट करतो. ज्यामुळे वापरकर्त्याला एका शॉटमध्ये ४ व्हिडीओ आणि ४ फोटो कॅप्चर करता येतात. सेल्फीसाठी यामध्ये १३ मेगापिक्सलचा कॅमेरा देण्यात आला आहे.

iQOO Neo 7 Pro चा कॅमेरा

या फोनचा कॅमेरा हे प्रमुख आकर्षण असणार आहे. या स्मार्टफोनमध्ये ट्रिपल रिअर कॅमेरा सेटअप देण्यात आला आहे. ज्यामध्ये ५० मेगापिक्सलचा प्रायमरी सेन्स, ८ मेगापिक्सलचा अल्ट्रा वाईड अँगल लेन्स आणि २ मेगापिक्सलचा मॅक्रो सेन्सर मिळणार आहे. सेल्फी आणि व्हिडिओसाठी १६ मेगापिक्सलचा कॅमेरा मिळणार आहे.

हेही वाचा : iQOO ने लॉन्च केला आपला ‘हा’ भन्नाट स्मार्टफोन; केवळ ८ मिनिटांमध्ये होणार…, ऑफर्स एकदा बघाच

सॅमसंग Galaxy M34 5G मध्ये ६००० mAh क्षमतेची बॅटरी देण्यात आली आहे. त्याला २५ W चा फास्ट चार्जिंग सपोर्ट मिळतो. याला चार्जिंगसाठी टाईप-सी पोर्ट येतो. एकदा चार्ज केल्यावर या फोनची बॅटरी २ दिवस टिकू शकते असा कंपनीचा दावा आहे.

या स्मार्टफोनच्या बॅटरीबाबत बोलायचे झाल्यास यामध्ये ५००० mAh क्षमतेची बॅटरी देण्यात आली आहे. जी १२०W फास्ट चार्जिंगला सपोर्ट करते. कंपनीच्या म्हणण्यानुसार, iQOO Neo 7 Pro 5G ची बॅटरी ८ मिनिटात ५० टक्के तर ३० मिनिटांमध्ये १०० टक्के चार्ज होऊ शकते.

iQOO Neo 7 Pro 5G किंमत आणि ऑफर्स

iQOO Neo 7 Pro 5G हा स्मार्टफोन दोन स्टोरेज व्हेरिएंटमध्ये लॉन्च करण्यात आला आहे. यातील ८जीबी रॅम आणि १२८ जीबी स्टोरेज व्हेरिएंटची किंमत ३४,९९९ रुपयांमध्ये करण्यात आली आहे. तर १२ जीबी रॅम आणि २५६ जीबी स्टोरेजच्या व्हेरिएंटची किंमत ३७,९९९ रुपये इतकी आहे. ग्राहक हा फोन Fearless Flame (ऑरेंज) आणि Dark Storm (निळा) या रंगांमध्ये खरेदी करू शकतात. तसेच या फोनची विक्री १५ जुलैपासून Amazon वर विक्रीसाठी उपलब्ध होईल. तसेच तो कंपनीच्या अधिकृत वेबसाईटवर देखील उपलब्ध असेल.

कंपनीने लॉन्च केलेल्या या नवीन फोनच्या दोन्ही व्हेरिएंटवर खरेदीदारांना ICICI बँक आणि SBI बँक कार्डवर २ हजार रुपयांचा झटपट डिस्काउंट मिळेल. तसेच दोन्ही मॉडेल्सवर १ हजार रुपयांचा डिस्काउंट मिळू शकतो.

सॅमसंग Galaxy M34 5G ची किंमत

सॅमसंग Galaxy M34 5G हा फोन दोन स्टोरेज व्हेरिएंटमध्ये भारतात लॉन्च करण्यात आला आहे. ६ जीबी रॅम आणि १२८ जीबी स्टोरेज असणाऱ्या फोनची किंत १८,९९९ रुपये आहे तर ८जीबी रॅम आणि १२८ जीबी स्टोरेज असणाऱ्या फोनची किंमत २०,९९९ रुपये आहे. या फोनच्या खरेदीवर खरेदीदारांना २ हजार रुपयांची बँक ऑफर मिळणार आहे. हा फोन खरेदीदारांना मिडनाईट ब्लू, प्रिझम सिल्व्हर आणि वॉटरफॉल ब्लू या तीन रंगांमध्ये खरेदी करता येईल.

हा स्मार्टफोन प्री-बुकिंगसाठी उपलब्ध आहेत. Galaxy M34 5G ची विक्री Amazon, Samsung आणि निवडक रिटेल स्टोअर्सवर १५ जुलैपासून सुरु होणार आहे. १५ आणि १६ जुलै रोजी Amazon चा प्राईम डे सेल होणार आहे.