07 April 2020

News Flash

राजूनगरमधील बेकायदा चाळींवर हातोडा

प्रतिनिधी, डोंबिवली

राजूनगरमधील विजय म्हात्रे यांच्या जमीनदोस्त केलेल्या  बेकायदा चाळी 

डोंबिवली पश्चिमेतील राजूनगर भागातील राज वैभव पार्कमागील मोकळ्या जागेत बांधण्यात आलेल्या बेकायदा चाळी व जोत्यांची बेकायदा बांधकामे महापालिकेच्या ‘ह ’ प्रभाग विभागाच्या अतिक्रमण हटाव पथकाने जमीनदोस्त केली. या कारवाईत बांधकाम व्यावसायिकाचे लाखो रुपयांचे नुकसान करण्यात आल्याचा आरोप केला जात आहे.

राजूनगरमधील राज वैभव पार्कच्या मागील बाजूस महापालिकेच्या, सरकारी जागांवर विजय म्हात्रे यांनी आठ बेकायदा खोल्या बांधल्या आहेत. तसेच पंधरा खोल्या बांधण्यासाठी जोते बांधून ठेवले आहेत, अशी माहिती ‘ह’ प्रभागाचे प्रभाग अधिकारी परशुराम कुमावत व अधीक्षक स्वामी यांना मिळाली होती. कुमावत यांनी प्रत्यक्ष घटनास्थळी जाऊन पाहणी केली. तेव्हा त्यांना बेकायदा चाळी व नवीन चाळी उभारणीसाठी जोत्यांची बेकायदा बांधकामे सुरू असल्याचे लक्षात आले. विजय म्हात्रे हे या बेकायदा चाळी उभारत असल्याची माहिती अधिकाऱ्यांना मिळाली.

या भागातून पालिकेचा बाह्य़वळण रस्ता जाणार असून या  कामात अडथळा नको म्हणून प्रभाग अधिकारी कुमावत यांनी ही बेकायदा बांधकामे तोडण्याचा निर्णय घेतला. सोमवारी राजूनगरमधील सर्व बेकायदा चाळी व नवीन बांधकामासाठी उभारलेल्या जोत्यांची कामे अतिक्रमण विरोधी पथकाने तोडून टाकली. बेकायदा बांधकामांवरची कारवाई सुरूच राहणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 26, 2016 1:41 am

Web Title: action on illegal construction in dombivali raju nagar
Next Stories
1 खेळ मैदान : एकनाथ शिंदे क्रिकेट संघाला जेतेपद
2 पाऊले चालती.. : आहार, विहार आणि व्यायामाचा केंद्रबिंदू
3 कट्टय़ावरची गोलमेज : सिनेमा म्हणजे मनोरंजनच!
Just Now!
X