कल्याण-डोंबिवली महापालिका हद्दीत शासनाची परवानगी न घेता काही संस्थाचालकांनी नियमबाह्य़ शाळा सुरू केल्या आहेत. या शाळांमध्ये प्रवेश न घेण्याचे आवाहन कल्याण डोंबिवली पालिका प्रशासनाने केले आहे. पालकांनी या अनधिकृत शाळांत प्रवेश घेऊ नये. या शाळेतील विद्यार्थ्यांची परीक्षा घेण्यास शासनाकडून परवानगी देण्यात येणार नाही, असे प्रशासनाने स्पष्ट केले आहे. अनधिकृत शाळा आर्य गुरुकुल (इंग्रजी), गांधारी, कल्याण पश्चिम, मुबारका इंग्लिश स्कूल (इंग्रजी), खंबाळपाडा, फातिमा कॉन्व्हेंट स्कूल (इंग्रजी), गणेशनगर, डोंबिवली पश्चिम, श्री गणेश बालविकास मंदिर (इंग्रजी), डोंबिवली पश्चिम, श्री गणेश बालविकास मंदिर (हिंदी), गणेशनगर, डोंबिवली पश्चिम.
