डोंबिवली एमआयडीसी परिसरात असलेल्या आरती केमिकल्स या कंपनीला आग लागल्याची माहिती समोर आली आहे. आरती केमिकल्स ही डोंबिवलीतील किचन क्राफ्ट कंपनी आहे. या ठिकाणी नेमकी आग कशी लागली याचे कारण अद्याप समजू शकलेले नाही. मात्र एमआयडीसी परिसरात धुराचे लोट पसरले आहेत. तसेच अग्निशमन दलाच्या पाच गाड्या घटनास्थळी दाखल झाल्या आहेत. ही आग नियंत्रणात आणण्यासाठी अग्निशमन दलाच्या जवानांचे शर्थीचे प्रयत्न सुरु आहेत.