नाताळ कट्टय़ावर बालकांची धम्माल

‘यंग स्टार ट्रस्ट’तर्फे वसई-विरार शहरात विवा कट्टय़ाचे आयोजन केले जाते.

नाताळ सण

जिल्हा परिषद शाळांमधील विद्यार्थी नाताळ सणाच्या आनंदापासून वंचित राहू नये यासाठी वसईतील विवा कट्टय़ावर मंगळवारी खास नाताळ उत्सवाचे आयोजन करण्यात आले होते. या वेळी मुलांनी नाच-गाणी सादर करत धम्माल मस्ती केली.

‘यंग स्टार ट्रस्ट’तर्फे वसई-विरार शहरात विवा कट्टय़ाचे आयोजन केले जाते. नाताळच्या सणानिमित्त यंदा जिल्हा परिषदेच्या गरीब मुलांसाठी हा सण साजरा करण्याचे ठरविण्यात आले. मंगळवारी सकाळी पापडी येथील हुतात्मा बाळा सावंत उद्यानात हा नाताळ कट्टा रंगला. वसईच्या ग्रामीण भागातील जिल्हा परिषद शाळेतील साडेतीनशे मुले यात सहभागी झाली होती. खास बसने या मुलांना या ठिकाणी आणण्यात आले.

मुलांना ख्रिसमस टोप्या वाटण्यात आल्या. जादूगाराने जादूचे प्रयोग दाखवत मुलांचे मनोरंजन केले. या वेळी सांताक्लॉजने मुलांना भेटवस्तू आणि खाऊ दिला. विविध खेळ, गाणी सादर करत मुलांनी आनंद साजरा केला, असे आयोजक प्रकाश वनमाळी यांनी सांगितले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ठाणे बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Children snoring on christmas katta

ताज्या बातम्या