संसदेच्या कामकाजावर नियंत्रण ठेवण्याचे काम सभापती करतात. मात्र न्यूझीलंडच्या संसदेमधील सभापतींचे फोटो त्यांनी केलेल्या एका आगळ्यावेगळ्या कामासाठी चर्चेत आले आहेत. न्यूझीलंडच्या संसदेचे कामकाज सुरु असताना सभापती एका महिला खासदाराच्या मुलाला संभाळताना दिसले. एकीकडे कामकाज सुरु असताना महिला खासदाराच्या मुलाला बाटलीमधून दूध पाजतानाचा सभापतींचा हा फोटो आणि व्हिडिओ चांगलाच चर्चेत आला आहे. न्यूझीलंडमधील वैरिकी येथील खासदार असणाऱ्या टॉम कॉफी हे आपल्या लहान बाळाला संसदेमध्ये घेऊन आले. आपल्या बाळासहीत त्यांनी संसदेमधील चर्चेत सहभाग घेतला. मात्र अचानक हे बाळ रडू लागल्यानंतर सभापती ट्रेवर मल्लार्ड यांनी संसदेचा कारभार आणि बाळाची देखभाल दोन्ही आपल्या हातात घेतले. ट्रेवर यांनी आपल्या आसनावर बसूनच बाळाला मांडीवर घेतले. ते बाळाला बाटलीतून दूध पाजता पाजता खासदारांचे म्हणणे ऐकत होते. या सर्व प्रसंगाचे फोटो ट्रेवर यांनीच ट्विटवरुन शेअर केले आहे. ते आपल्या ट्विटमध्ये म्हणतात, 'सामान्यपणे सभापतीच्या खुर्चीवर केवळ सभापतीच बसतात. मात्र आज ससंदेमध्ये एक खास पाहूणा आला होता ज्याने माझ्याबरोबर ही सभापतींची खुर्ची शेअर केली. कुटुंबामध्ये नवा सदस्य आल्याबद्दल टॉम आणि टीम या दोघांचेही अभिनंदन.' Normally the Speaker’s chair is only used by Presiding Officers but today a VIP took the chair with me. Congratulations @tamaticoffey and Tim on the newest member of your family. pic.twitter.com/47ViKHsKkA — Trevor Mallard (@SpeakerTrevor) August 21, 2019 टॉम आणि त्यांचा समलैंगिक पार्टनर टीम हे दोघे सरोगसीच्या माध्यामातून जुलै महिन्यामध्ये एका गोंडस मुलाचे पालक झाले आहेत. दरम्यान कालच्या प्रसंगानंतर ट्रेवर यांनी दाखवलेल्या संवेदनशीलतेबद्दल त्यांच्यावर कौतुकाचा वर्षाव होत आहे. १) What a powerful and soulful picture!!! A lawmaker @tamaticoffey in New Zealand brought his baby to the parliament after coming back from paternity leave. The House speaker @SpeakerTrevor babysat for him during a debate. pic.twitter.com/KaqMyIYhdv — Rema Rajeshwari IPS (@rama_rajeswari) August 21, 2019 २) Amid so much bad news, here's something lovely. — Carin Zissis (@CarinZissis) August 22, 2019 ३) Speaker of #NewZealand Parliament! World needs more of these! @SpeakerTrevor — Sneha Koshy (@SnehaMKoshy) August 21, 2019 ४) Just another day in New Zealand’s Parliament — Tali Aualiitia (@taliaualiitia) August 21, 2019 ५) I love this! Way to be awesome @SpeakerTrevor! I love seeing some humanity in the vile and ugly business of politics! — Richie Hardcore (@RichieHardcore) August 22, 2019 ६) A photo of the Speaker of New Zealand's Parliament feeding a legislator's baby while carrying out his duties has been shared all over the world. pic.twitter.com/G8MvuuAOkb — SBS News (@SBSNews) August 22, 2019 मागील वर्षीही न्यूझीलंडच्या पंतप्रधान जसिंडा आर्डेन आणि त्यांचा पार्टनर क्लार्क गेफोर्ड यांनीही आपल्या लहान मुलीला संसदेमध्ये आणले होते. भारतामध्ये अजूनही संसदेत लहान मुलांना घेऊन जाण्याचा प्रकार घडला नसला तरी जगभरातील संसदेमध्ये अनेक महिला खासदार आपल्या लहान मुलांना संसदेच्या सभागृहात घेऊन जाताना दिसतात. २०१७ मध्ये तर ऑस्ट्रेलियाच्या संसदेमधील महिला खासदार लेरिसा वॉल्टर्स यांनी संसदेच्या सभागृहामध्येत आपल्या लहान बाळाला स्तनपान केले होते. या घटनेची जगभरातील प्रसारमाध्यमांनी दखल घेतली होती. त्यानंतर ऑस्ट्रेलियातील संसदेच्या कारभारातील नियमांमध्ये बदल करुन स्तनपान करण्यासाठी विशेष कक्ष निर्माण करण्यात आला. त्याआधी संसदेमध्ये मुलांना घेऊन येण्यास परवानगी नव्हती.