News Flash

कुणाकडून ड्रग्स हरवलेत का? परत पाहिजे असल्यास त्वरित संपर्क करा अन्यथा… : राजस्थान पोलीस

'कुणाचा smack हरवला आहे काय? जर हरवला असेल आणि परत हवा असेल तर...

कुणाकडून ड्रग्स हरवलेत का? परत पाहिजे असल्यास त्वरित संपर्क करा अन्यथा… : राजस्थान पोलीस

सोशल मीडियाच्या वाढत्या वापरापासून देशातील पोलीस व्यवस्था देखील आता दूर राहिलेली नाही. बऱ्याच शहरांमधील पोलीस त्यांनी केलेल्या कारवाईबाबत ट्विटरद्वारे माहिती देत असतात. मुंबई पोलीस ट्विटरवर सर्वाधिक सक्रीय असल्याचं अनेकदा पाहण्यात आलंय. विनोदी आणि तितक्याच गंभीर ट्विटमुळे मुंबई पोलीस नेहमी चर्चेत असतात, आता राजस्थान पोलिसांनीही मुंबई पोलिसांच्या पावलावर पाऊल ठेवताना दिसत आहे.


 
राजस्थानच्या अमलीपदार्थ विरोधी शाखेने मोठ्या प्रमाणात Heroin या अमलीपदार्थाचा साठा पकडला.heroin ला स्मॅक असं देखील म्हटलं जातं. त्यानंतर राजस्थान पोलिसांनी याबाबत ट्विट करताना, ‘कुणाचा smack हरवला आहे काय? जर हरवला असेल आणि परत हवा असेल तर आमच्याशी त्वरित संपर्क साधा अन्यथा कायमस्वरुपी गमावून बसाल. Smack घेण्यासाठी परत येणाऱ्याची मोफत राहण्या आणि खाण्यापिण्याची सोय केली जाईल हे आमचं वचन आहे…त्यामुळे त्वरा करा’ असं मजेशीर ट्विट राजस्थान पोलिसांनी केलं आहे.

राजस्थान पोलिसांचं हे ट्विट सोशल मीडियावरील युजर्सच्या पसंतीस पडल्याचं दिसतंय. मुंबई पोलिसांचं ट्विटर हँडल अशाप्रकारच्या विनोदी ट्विटसाठी सर्वाधिक प्रसीद्ध आहे. काही दिवसांपूर्वी आसाम पोलिसांनीही अशाप्रकारचं ट्विट केलं होतं. ‘घाबरू नका, तुमचा हरवलेला गांजा आमच्याकडे आहे’ असं ट्विट आसाम पोलिसांनी 590 किलो गांजा पकडल्यानंतर केलं होतं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 18, 2019 2:21 pm

Web Title: rajasthan police show off on twitter with seized drug sas 89
Next Stories
1 …म्हणून त्याने जखमी पक्ष्याला उबर टॅक्सी बुक करुन दिली!
2 ‘चूक तुमची नाही, निकाल इंग्रजीत होता’, गिरिराज सिंहांचं पाकिस्तानला मजेदार प्रत्युत्तर
3 कुलभूषण जाधव खटला : पाकिस्तानला मिळालेलं एकमेव मत कुणाचं?
Just Now!
X