मॅटर्निटी किंवा प्रेग्नंसी फोटोशूटचा ट्रेण्ड गेल्या काही वर्षांपासून सुरू झाला. वेगवेगळे इफेक्ट्स, वेगवेगळे पोझ, हटके जागा शोधून हा फोटोशूट इतरांपेक्षा वेगळा कसा करता येईल असा विचार अनेकजण करतात. सध्या सोशल मीडियावर असाच एक मॅटर्निटी फोटोशूट चर्चेचा विषय ठरतोय. टेक्सासमधल्या बोर्नी इथे राहणाऱ्या एका गर्भवती महिलेनं चक्क हजारो मधमाश्यांसोबत फोटोशूट केलं आहे. या फोटोतील तिच्या पोटावर असलेल्या मधमाश्या पाहून नेटकरी चक्रावले आहेत. पांढऱ्या रंगाच्या ब्रालेट आणि ट्राऊजरमध्ये या गरोदर महिलेनं पतीसोबत मिळून आऊटडोअर फोटोशूट केलं आहे. फोटोतील ही महिला मधमाश्यांचं पालन करणारी आहे. फोटोशूटसाठी मधमाशांचं पोळं असलेल्या बॉक्सजवळ ती उभी आहे. तर अनेक मधमाश्या तिच्या अवतीभवती फिरत आहेत. "हे माझ्या मॅटर्निटी फोटोशूटचे काही फोटो आहेत. माझ्या शरीरावर फक्त मधमाश्या सोडण्यात आल्या होत्या. एकाही मधमाशीने माझ्यावर हल्ला केला नाही. दहा हजारांच्या आसपास या मधमाश्या असतील", अशी तिची पोस्ट सोशल मीडियावर व्हायरल होत आहे. The queen is tethered to my belly inside of a cage. Poetry. pic.twitter.com/KyAJQLEza5 — Emily Murnane (@emily_murnane) July 3, 2020 त्या महिलेने फेसबुकवर हे फोटो पोस्ट केले होते. त्यानंतर सोशल मीडियावर ते तुफान व्हायरल झाले. तिच्या या फोटोवर अनेकांनी आश्चर्य व्यक्त केला आहे. गर्भाशयातील बाळाचे प्राण धोक्यात घातल्याची टीकाही काहींनी केली. तर डॉक्टरांनी असं करण्यास परवानगी कशी दिली, असा प्रश्न काहींनी उपस्थित केला. I want to hear from the Dr that allowed an allergic pregnant woman to do this. — Jim SixFeetPlease Murphy (@MurphInCA) July 3, 2020 What is wrong with people. — Michael Marshall Smith (@ememess) July 3, 2020 pic.twitter.com/WfAHeCkqpZ — Am I the Asshole? (@AITA_reddit) July 3, 2020 नेटकऱ्यांच्या या प्रतिक्रियांनंतर महिलेनं फोटोशूटसोबतच एक सूचना पोस्ट केली. 'हे अत्यंत धोकादायक ठरू शकतं. कोणत्याही अनुभवाशिवाय किंवा माहितीशिवाय असे फोटोशूट करण्याचा प्रयत्न करू नका', अशी सूचना तिने लिहिली. तरीसुद्धा महिलेला मधमाश्यांच्या थीमनुसार फोटोशूट करायचं सुचलंस कसं, असा प्रश्न नेटकऱ्यांना पडला आहे.