Sister bonding Viral video: मायेचं साजूक तूप, आईचं दुसरं रूप. काळजी रूपी धाक, प्रेमळ तिची हाक, कधी बचावाची ढाल तर कधी मायेची उबदार शाल भरलेलं आभाळ रितं कराया, तिचीच ओंजळ पुढे येई,जागा जननीची भरून काढाया देवाने निर्मिली आईनंतर ताई. भावंडाचं नातं हे सर्वात वेगळं आणि अनोखं असतं. मग ते बहीणभावाचं असो अथवा बहिणीबहिणींचं. प्रत्येकालाच आपली लाडकी बहीण प्रिय असते. तिच्याशी जितकं भांडता येतं तितकाच तिच्यावर प्रेमाने हक्कही गाजवता येतो. कधी कधी ती रुसल्यावर तिची समजूत काढण्यात एक वेगळीच मौज असते. आईबाबांना तुमचं नाव सांगायला ती जितकी तत्पर असते तितकीच त्यांचा मार आणि ओरडा मिळू नये म्हणून तुमची काळजीही घेते. वडीलांप्रमाणे आधार देते आणि आईप्रमाणे जीवापाड प्रेमही करते. अशाच दोन बहिणींचा एक व्हिडीओ सध्या सोशल मीडियावर व्हायरल होत आहे. हा व्हिडीओ पाहून तुम्हालाही तुमच्यापासून दूर असणाऱ्या बहिणीची आठवण येईल. या व्हिडीओमध्ये तुम्ही पाहू शकता, दोघी बहिणी बऱ्याच वर्षांनी एकमेकींना भेटणार असतात. याचं निमित्त ठरतं ते एका बहिणीच्या लग्नाचा वाढदिवस. या लग्नाच्या वाढदिवसादिवशी कुटुंबातील सगळे पुन्हा एकदा तीच लग्न लावणार आहेत. यावेळी आपल्या बहिणीलाही त्यांनी बोलावलं आहे. अशा दोन बहिणींची बऱ्याच वर्षांनी भेट होते आणि दोघीही आनंदून जातात. सर्व कुटुंबियांनी मिळून हे सरप्राईज दोघी बहिणींसाठी प्लॅन केलेलं असतं. या दोघीही एकमेकींना बघून गळाभेट करत आहेत. लहानपणापासून एकत्र राहणाऱ्या भावंडांना नंतर लग्नानंतर वेगवेगळ्या दिशेनं जावं लागतं. मात्र हेच भाऊ-बहिण जेव्हा भेटतात तेव्हा पुन्हा जुने दिवस जगतात. पाहा व्हिडीओ हेही वाचा >> VIDEO: चिपळूणमधला थरारक लाईव्ह अपघात; रिक्षाचालकाचा यूटर्न अन् भयंकर शेवट, सांगा चूक नक्की कुणाची? हा व्हिडीओ digereshma नावाच्या इन्स्टाग्राम अकाऊंटवरुन शेअर करण्यात आला आहे. या व्हिडीओला "बहीणीचं प्रेम हे अथांग समुद्रासारखं, निखळ असं नातं आयुष्यभर जपण्याचं, इथे असतो फक्त जिव्हाळा अन असतो अतूट विश्वास, बंधन नसतं कुठलं त्यात निर्मळ हास्याचं असतं खास, सोन्याहून सुंदर असं जगात आहे अनमोल, नातं असं हे आपुलकीचं भाऊ बहिणीच्या प्रेमाचं" असं कॅप्शन देण्यात आलं आहे. या व्हिडीओवर नेटकरी प्रतिक्रिया देत भरभरून प्रेम व्यक्त करत आहेत.