29 October 2020

News Flash

बापरे…! डोळ्यावर पट्टी बांधून नारळ फोडण्याचा विक्रम पाहिल्यावर तुम्हीही व्हाल थक्क

आंध्र प्रदेशमधील दोघांची झाली गिनीज बुक ऑफ वर्ल्ड रेकॉर्डमध्ये नोंद

आंध्र प्रदेशमधील दोघांनी केलेल्या एका पराक्रमाबद्दल त्यांची गिनीज बुकात नोंद झाली आहे. डोळ्यावर पट्टीबांधून एकाने खाली झोपलेल्या व्यक्तीच्या सभोवतलची सर्व नारळं मोठ्या हातोडीने फोडली आहेत. त्यांनी केलेल्या या विक्रमाचा व्हिडिओ देखील समोर आला आहे.

आंध्र प्रदेशमधील नेल्लोर येथील निवासी असलेल्या प्रभाकर रेड्डी पी यांनी, जमिनीवर झोपलेल्या त्यांच्या राकेश बी विद्यार्थ्याच्या सभोवताली पसरलेली ४९ नारळं फोडून नवा विक्रम आहे. अंगावर काटा आणणारा त्यांचा हा थराथरक व्हिडिओ सर्वत्र तुफान व्हायरल होत आहे.

या व्हिडिओमध्ये दिसतं की, राकेश जो की मार्शल आर्टचा विद्यार्थी आहे. जमिनीवर झोपला असून, त्याच्या सभोवताली खूप नारळं पसरवली गेली आहेत. त्यानंतर त्याचे शिक्षक रेड्डी हे स्वतःच्या डोळ्यावर पट्टी बांधून एका मोठ्या हातोडीच्या मदतीने ती सर्व नारळं फोडत आहेत. हा व्हिडिओ पाहणाऱ्याच्या अंगावर नक्की काटा उभा राहिल्या शिवाय राहत नाही.

या व्हिडिओसाठी वापरण्यात आलेली नारळ नंतर प्राण्यांना खाण्यास देण्यात आली. या व्हिडिओमध्ये अगोदर अशा विक्रमाची नोंद असलेले करमजीत सिंग आणि कवलजीत सिंग हे दोघेही आहेत.

अधिकृत साईटच्या वृत्तानुसार, नव्या विक्रमाची नोंद १५ सप्टेंबर रोजी झाली आहे. या साईटवर हे देखील सांगण्यात आले आहे की, मार्शल आर्टमध्ये पारंगत असलेले प्रभाकर रेड्डी पी आणि राकेश बी यांच्या नावावर या अगदोर देखील या क्षेत्रातील अनेक विक्रमांची नोंद आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 14, 2020 10:18 pm

Web Title: two guys set record for smashing coconuts while blindfolded msr 87
Next Stories
1 हे कसं शक्य आहे? चालक नसलेल्या कारच्या व्हिडिओने नेटकऱ्यांना टाकलं गोंधळात
2 Video : …अन् प्रचारसभेत स्टेजवर येताच नाचू लागले डोनाल्ड ट्रम्प
3 ‘गळती’ से मिस्टेक… प्रसाद लाड यांचे हिंदी पाहून नेटकरी म्हणाले, ‘हिंदीसाठी ही पावती फाडायला हवी होती’
Just Now!
X