खरी ठरली ‘चाणक्य’वाणी!

डोनाल्ड ट्रम्पच झाले विजयी

भविष्य बघायचे असल्यास चाणक्यकडे जायला पाहिजे अशा विनोदी चर्चा रंगल्या आहेत.

अगदी सकाळपर्यंत अमेरिकेचा राष्ट्राध्यक्ष नक्की कोण होणार याकडे संपूर्ण जगाचे लक्ष लागले होते. गेल्या महिन्याभरापासून अनेक राजकिय विश्लेषक, अभ्यासक याबद्दल आपली मत नोंदवत होते. अमेरिकेतल्या तर अनेक वृत्तवाहिन्या आणि वृत्तपत्राने ट्रम्प यांच्याविरोधात पाऊले उचलली होती. अमेरिकेच्या राष्ट्राध्यक्षपदी हिलरी क्लिंटन विराजमान होतील अशी चिन्हे दिसत होती. तर निवडणुकांआधीच भविष्यवेत्त्याकडूनही भाकिते जाणून घेण्याचे प्रयत्न वारंवार सुरू होते. अशातच चेन्नईतल्या चाणक्य माशाने ट्रम्प यांच्या विजयाची भविष्यवाणी केली. पण ही भविष्यवाणी फारशी गांभीर्याने घेतली गेली नव्हती पण आता ट्रम्प यांच्या विजयाने  हा भविष्य सांगणारा मासा चांगलाच चर्चेत आला आहे. विशेष म्हणजे वर्ल्ड कप सामन्याच्या दरम्यान या माशाने दोनदा अचूक भविष्य वर्तवले होते. २०१५ च्या क्रिकेट वर्ल्ड कपमध्ये न्यूझीलंड संघ अंतिम सामन्यात पोहचेल असे भविष्य त्याने वर्तवले होते तेही अगदी अचूक ठरले होते. आपल्या अचूक भविष्यवाणीने हा मासा सोशल मीडियावर चर्चेत आला आहे. आता भविष्य बघायचे असल्यास चाणक्यकडे जायला पाहिजे अशा विनोदी चर्चा रंगल्या आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Chanakya the fish got it right donald trump becomes the 45th us president