सोशल मीडियावर प्राण्यांचे व्हिडीओ आवडीने पाहिले जातात. त्यात हत्तींच्या व्हिडीओला जास्त पसंती दर्शवली जाते. गेल्या काही दिवसांत सोशल मीडियावर हत्तींचे व्हिडीओ तुफान व्हायरल झाले आहेत. कधी रस्त्याच्या बाजूला जाताना, कधी खेळताना, कधी फुलपाखरांचा पाठलाग करताना तर कधी करामती करताना तर कधी हत्तीचं रौद्र रुप दाखवणारे व्हिडीओ व्हायरल झाले होते. पण आपापसांत हत्तींचा कधी वाद पाहिलाय का? होय असा दुर्मिळ व्हिडीओ सध्यो सोशल मीडियावर धुमाकूळ घालतोय. तीन हत्तींमध्ये खाण्यावरुन वाद झाल्याचा एक व्हिडीओ व्हायरल झाला आहे. शेल्ड्रिक यांनी या तीन हत्तींच्या वादाचा दुर्मिळ असा व्हिडीओ आपल्या ट्विटरवर पोस्ट केला आहे. ते म्हणतात की, मैशा, रोहो आणि लारो या तीन हत्तींच्या पिल्लांचे खाण्यावरून भांडत आहेत. एका हत्तीनं तोंडात फांदी पकडली तर दुसऱ्यानं ती हिसकावण्याचा प्रयत्न केला. या दोघांच्या भांडणात तिसरा हत्ती पडला आणि मारामारी सुरू झाली. व्हायरल होणाऱ्या व्हिडीओत तुम्ही पाहू शकता की, दोन हत्तींच्या वादात तिसऱ्या हत्तीचा फायदा झाला. दोन हत्तींचा फांदीवरील पाला खाण्यासाठी वाद लागला होता त्यात तिसरा हत्ती पडला आणि फांदीवरचा पाला खाऊन मोकळा झाला. या दुर्मीळ हत्तीच्या भांडणाचा व्हिडीओ सोशल मीडियावर तुफान व्हायरल झाला आहे. Maisha might have given the tasty branch to Roho but there’s no way Larro was going to give up on the treat without a fight. Their tussle ends in a sweet hug (or is it stalemate?)! Catch up with all the antics from our Orphan Units: pic.twitter.com/bfaPNQb1lE — Sheldrick Wildlife (@SheldrickTrust) July 14, 2020 व्हिडीओला नेटकऱ्यांनी पसंती दर्शवली आहे. २६ सेकंदाच्या व्हिडीओला आतापर्यंत जवळपास पाच हजारांपेक्षा जास्त जणांनी पाहिलं आहे.