Smriti Irani Belly Dancer Outfit Photo: लोकसभा निवडणूक २०२४ च्या तारखा अद्याप जाहीर झालेल्या नाहीत मात्र सोशल मीडियावर सर्व पक्षांकडून प्रचाराचं रणशिंग केव्हाच फुंकलं गेलंय. प्रचारांमध्ये स्वतःच्या पक्षाचं कौतुक सांगण्याबरोबरच इतर राजकारण्यांचे पाय खेचणे हा एक प्रकार वर्षानुवर्षे आपण पाहिला आहे. असाच एक प्रकार सध्या भाजपच्या खासदार व केंद्रीय मंत्री स्मृती इराणी यांच्या एका व्हायरल फोटोच्या बाबत सुद्धा घडत असल्याचे दिसतेय. लाइटहाऊस जर्नलिझमला केंद्रीय मंत्री स्मृती इराणी यांचा एक फोटो सोशल मीडिया प्लॅटफॉर्मवर मोठ्या प्रमाणावर शेअर होत आहे. फोटोमध्ये स्मृती इराणी बेली डान्सिंग आउटफिटमध्ये दिसत आहेत. नेमकं या फोटोचं सत्य काय हे तपासून पाहूया.. काय होत आहे व्हायरल? फेसबूक यूजर Bablu Upa ने फोटो आपल्या प्रोफाइल वर शेअर केला होता ज्याला नंतर साडे सहा हजाराहून अधिक शेअर मिळाले. https://www.facebook.com/permalink.php?story_fbid=pfbid0q49Qbbj1jnrWbHSvspgFoDVH3xRyqhJp59StoLEGcpJ64JMLqR6xMdNKRJFFvnJPl&id=100092727253076 इतर वापरकर्ते देखील हे एडिटेड फोटो शेअर करत आहेत. https://www.facebook.com/groups/6670939216324214?multi_permalinks=7303864603031669&hoisted_section_header_type=recently_seen तपास: आम्ही एका साध्या गूगल रिव्हर्स इमेज सर्चद्वारे आमचा तपास सुरू केला. फोटोकडे बारकाईने पाहिल्यावर आमच्या लक्षात आले की हा जुना फोटो असल्याचे दिसण्यासाठी फिल्टर लावले होते. आम्हाला Tripadvisor च्या वेबसाइटवर मूळ फोटो आढळला. फोटोच्या कॅप्शनमध्ये म्हटले होते: तुर्की BBQ मध्ये बेली डान्सर (अनुवादित) तपासादरम्यान आम्हाला समजले की, हा फोटो यापूर्वीही शेअर करण्यात आला होता. हाच फोटो २०२२ मध्ये शेअर करण्यात आला होता. https://www.facebook.com/permalink.php?story_fbid=pfbid032VvXpC72wRhXyTx4NKcDYqppcEERYRkUCHaYuA9USJGCynnG4zFc2GSpfZirgDCWl&id=100080775295318 https://www.facebook.com/permalink.php?story_fbid=pfbid0FGhTkZukmjzkwNcFhiskBuRrnakrVWDdGJAjJmKHAjSqTR7Fcs9W5WRZauQJ3ny6l&id=100085887717017 हे ही वाचा<< पाण्याच्या पंपातून वाहू लागली दारू; पोलीस सुद्धा भांडी भरून थकले, गुन्हेगारांनी केलेला बंदोबस्त पाहिलात का? निष्कर्ष: बेली डान्सरच्या पोशाखात स्मृती इराणी यांचा फोटो एडिट करण्यात आला आहे. मूळ फोटोमधील महिला कलाकार वेगळी आहे.