scorecardresearch

Premium

Video : जशास तसे उत्तर! बायकोने ‘काहीही चालेल’वर शोधला तगडा उपाय….

सोशल मीडियावर व्हायरल व्हिडीओत महिलेने ‘काहीही’ शब्दाचा पदार्थ तिच्या नवऱ्यासाठी बनवला आहे…

wife cooks anything dish for husband as a dinner
(सौजन्य:@rakshay26/इन्स्टाग्राम) जशास तसे उत्तर! बायकोने 'काहीही चालेल'वर शोधला तगडा उपाय….

Viral Video : हॉटेलमध्ये जेवायला गेल्यावर खायला काय ऑर्डर द्यायची, हा प्रश्न नेहमीच सगळ्यांना पडतो आणि मग मित्र-मैत्रिणी, कुटुंबातील सदस्य यांच्यामध्ये चर्चा सुरू होते. या संवादादरम्यान काही जण ‘मला काहीही चालेल किंवा तू जे मागवशील, ते मी खाणार’ असे आपण सहज बोलून जातो. तर असे ऐकल्यावर अनेक जण यावर विनोद करतात आणि हॉटेलमध्ये किंवा मेनू कार्डमध्ये असा पदार्थ नाही मिळत, असे सांगतात. आज सोशल मीडियावर एक व्हिडीओ व्हायरल होत आहे; ज्यात एका महिलेने ‘काहीही’ शब्दाचा पदार्थ तिच्या नवऱ्यासाठी बनवला आहे, जे पाहून तुम्हाला हसू आवरणार नाही.

रेखा आणि अक्षय, अशी या जोडप्यातील व्यक्तींची नावे आहेत. जेवणासाठी काय बनवायचं, असे रेखा तिच्या नवऱ्याला म्हणजे अक्षयला विचारते. त्यावर अक्षय ‘काहीही बनवं’ असे उत्तर देतो. सारखे सारखे हेच उत्तर ऐकून रेखाला एक मजेशीर कल्पना सुचते. ती तवा गॅसवर ठेवते आणि ‘काहीही’ अक्षर लिहिण्यासाठी बेसनच्या पिठाचा उपयोग करते. तव्यावर ‘कुछ भी’ असे हिंदी भाषेत एक एक अक्षर लिहिते. नंतर ताटामध्ये प्रत्येक अक्षर ओळीत लावून बाजूला टोमॅटो सॉसने सजावट करते आणि नवऱ्याला जाऊन देते. नवरा ‘काहीही’ बनवायला सांगतो म्हणून ती ‘कुछ भी’ हा शब्द तव्यावर तयार करून, नवऱ्याला जेवण म्हणून खायला देते. या महिलेची भन्नाट कल्पना एकदा तुम्हीसुद्धा व्हिडीओतून बघाच

woman mistakenly sat on another person bike instead of boyfriend funny video
तरुणी प्रियकराऐवजी अनोळखी व्यक्तीच्या गाडीवर जाऊन बसली अन् मग..विचित्र घटनेचा VIDEO
police women struggles to meet her baby child for just 2 minute
VIDEO : शेवटी आईचं काळीज! फक्त २ मिनिटे लेकीला भेटण्यासाठी हिरकणीची धडपड; पोलीस कर्मचारीचा व्हिडीओ व्हायरल
youtubers in trouble over prank video
“अंबानींबरोबर चहा घेतलेले काका”, युट्यूबवरील प्रँक VIDEO पडला महागात! गुजरातमध्ये नेमकं काय घडलं? वाचा सविस्तर!
mumbai girl made Pink Biryani for Barbie theme party
Mumbai : गुलाबी बिर्याणी! मुंबईच्या तरुणीने बार्बी थीम पार्टीसाठी चक्क बनवली गुलाबी रंगाची बिर्याणी; नेटकऱ्यांनी केले ट्रोल, VIDEO व्हायरल

हेही वाचा…फक्त २ मुलांना सांभाळण्यासाठी ८३ लाख पगार अन् सहा महिने सुट्ट्या; खाजगी विमानाने प्रवास करण्याचीही संधी

व्हिडीओ नक्की बघा :

‘काहीही’ शब्दाचा तयार केला नवऱ्यासाठी पदार्थ :

आई स्वयंपाक करायला घेताना मुलांना किंवा बाबांना विचारते, आज जेवणात काय बनवू? त्यावर प्रत्येक जण ‘काहीही बनव’ असे हमखास उत्तर देतो. तर यावर उपाय म्हणून या जोडप्याने मजेशीर व्हिडीओ बनवला आहे. रेखाने नवऱ्यासाठी काहीही (कुछ भी) हा शब्द ताटात वाढला आहे. रेखा काहीही या शब्दाची अक्षरे तयार करण्यासाठी बेसन वापरते आणि ते तव्यावर शिजवून घेते. ती अक्षरे नीट शिजवल्यानंतर ताटामध्ये काढून टोमॅटो सॉसबरोबर सर्व्ह करते. नवरा हे पाहून आश्चर्यचकित झाला आणि काही वेळ ताटाकडे पाहत राहिला. कारण- अन्नाऐवजी बेसनापासून बनवलेला ‘काहीही’ शब्द त्याला ताटात दिसला.

सोशल मीडियावर हा व्हिडीओ @rakshay26 या इन्स्टाग्राम अकाउंटवरून शेअर करण्यात आला आहे. हा व्हिडीओ पाहून ‘जशास तसे’, ‘काहीही तव्यावर लिहिणंसुद्धा एक टॅलेंट आहे’, ‘आता यापुढे नवरा कधीच काहीही बनव असे म्हणणार नाही’ अशा कमेंट अनेक जण करताना व्हिडीओखाली दिसून आले आहेत. अक्षय आणि रेखा सोशल मीडियाचे कंटेंट क्रिएटर आहेत; हे जोडपे सोशल मीडियावर मजेशीर व्हिडीओ शेअर करीत असतात.

Latest Comment
View All Comments
Post Comment

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Wife cooks anything dish for husband as a dinner asp

First published on: 06-10-2023 at 15:59 IST

संबंधित बातम्या

तुम्ही या बातम्या वाचल्या आहेत का? ×