देशातील ग्रामीण भागात वाचनालय चळवळ राबविणारे प्रदीप लोखंडे | Postcard Man गोष्ट असामान्यांची भाग ६२

प्रदीप लोखंडे हे ‘रुरल रिलेशन्स’ संस्थेचे संस्थापक आहेत. मूळचे वाईचे असलेले प्रदीप लोखंडे यांनी पोस्टकार्डच्या माध्यमातून भारतातील ग्रामीण भागात सामाजिक परिवर्तन घडवलं आहे. २००१ पासून त्यांचा हा सामाजिक क्षेत्रातील प्रवास सुरू झाला. प्रदीप लोखंडे यांच्या मदतीने आतापर्यंत देशभरातील ग्रामीण भागांत ५८०० ग्रंथालयं सुरू झाली आहेत. त्यापैकी साडेचार हजार ग्रंथायलयं ही महाराष्ट्रात सुरू करण्यात आली आहेत. त्याचप्रमाणे शाळेत संगणकही पुरवण्यात आले आहेत. यासाठी प्रदीप लोखंडे लोकांना नवीन किंवा वापरलेली पुस्तकं देण्याचं आवाहन करतात. ही पुस्तकं गोळा करून ते महाराष्ट्र आणि देशातील ग्रामीण भागांत पुरवतात. त्यातूनच ‘ग्यान की’ या पुस्तक चळवळीची सुरुवात झाली. पोस्टकार्डच्या माध्यमातून गावांशी संपर्क साधतानाचा त्यांचा अनुभव जाणून घेण्यासाठी संपूर्ण व्हिडीओ पाहा.