हेमंत गायकवाड खूनप्रकरणातील आरोपींना अटक करावी अशी मागणी बुधवारी नगरसेवक राजाराम गायकवाड यांच्या नेतृत्वाखाली सुमारे शंभराहून अधिक समर्थकांनी पोलीस अधीक्षक डॉ. विजयसिंह जाधव यांच्याकडे केली. खून होऊन आठवडा लोटला तरी आरोपींना पकडले जात नाही, पोलिसांचा तपास गांभीर्यपूर्वक सुरू नाही असा आरोप शिष्टमंडळाने केला. त्यावर डॉ. जाधव यांनी पोलीस पथके रवाना झाली असून तपास रीतसर सुरू असल्याचे सांगितले. मात्र त्यावर समाधान न झालेल्या कार्यकर्त्यांनी तपास सुरू आहे तर आरोपी हाती का लागले नाहीत असा उलटा सवाल केला. गायकवाड यांच्या समर्थकांनी तपासावरून संतप्त भावना व्यक्त केल्या. शिष्टमंडळात संगीता सोनुले, रोहिणी गायकवाड, कांचन माले, सुनीता काळे, आक्काताई मोरे, रेखा सोनुले आदींचा समावेश होता.
