21 September 2020

News Flash

मोहंमद रफी यांच्या गाण्यांचे स्मरणरंजन ‘फिर रफी’

दिवंगत गायक मोहंमद रफी यांच्या पस्तीसाव्या स्मृतिदिनाच्या निमित्ताने त्यांच्या गाण्यांच्या स्मरणरंजनाची अनुभूती रफी यांच्या चाहत्यांना आणि रसिकांना घेता येणार आहे

| July 30, 2015 12:08 pm

दिवंगत गायक मोहंमद रफी यांच्या पस्तीसाव्या स्मृतिदिनाच्या निमित्ताने त्यांच्या गाण्यांच्या स्मरणरंजनाची अनुभूती रफी यांच्या चाहत्यांना आणि रसिकांना घेता येणार आहे. ‘जीवनगाणी’ निर्मिती आणि ‘लोकसत्ता’प्रस्तुत ‘फिर रफी’ या कार्यक्रमाचे प्रयोग ३० जुलै ते २ ऑगस्ट या कालावधीत आयोजित करण्यात आले आहेत. ‘फिर रफी’ चा पहिला प्रयोग ३० जुलै रोजी बोरिवली येथील प्रबोधनकार ठाकरे नाटय़गृहात होणार आहे. यानंतर ३१ जुलै रोजी ठाण्यातील गडकरी रंगायतन तर १ ऑगस्ट रोजी विलेपार्ले येथील दीनानाथ नाटय़गृहात प्रयोग होणार आहेत. शेवटचा चौथा प्रयोग २ ऑगस्ट रोजी प्रभादेवी येथील रवींद्र नाटय़ मंदिर येथे होणार असून त्याचे निवेदन संदीप कोकीळ यांचे आहे. तर वाद्यवृंद संयोजन देवा व किरण यांचे आहे. या चारही ठिकाणी होणाऱ्या कार्यक्रमांची वेळ रात्री साडेआठ अशी आहे. गायक श्रीकांत नारायण हे रफी यांची गाणी सादर करणार असून सरिता राजेश या त्यांना साथ देणार आहेत. ‘फिर रफी’ हा कार्यक्रम गेली सात वर्षे सादर होत असून यंदा कार्यक्रमाचे आठवे वर्ष आहे. कार्यक्रमाची लोकप्रियता वाढत असून या कार्यक्रमाला विविध क्षेत्रातील मान्यवर तसेच रफी यांचे कुटुंबीय उपस्थित राहात असल्याची माहिती ‘जीवनगाणी’चे प्रसाद महाडकर यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 30, 2015 12:08 pm

Web Title: mohammed rafis tracks will be remembered
Next Stories
1 आकाशवाणीत विविधरंगी ‘गोफ’ रंगला
2 न्यायासाठी पित्याची एकहाती लढाई
3 प्रतिपूर्ती व शिष्यवृत्ती योजना
Just Now!
X