दक्षिण सोलापूर तालुक्यातील फताटेवाडी येथे रेल्वे रुळालगत एका तरुणाचा खून करून मृतदेह टाकून देण्याचा प्रकार अद्याप ताजा असतानाच याच तालुक्यातील मुस्ती येथे पाझर तलावात एका युवकाचा मृतदेह आढळून आला. हादेखील खुनाचा प्रकार असल्याचा पोलिसांचा संशय आहे.मृताचे वय २७ वर्षांचे असून त्याची ओळख पटली नाही. त्याच्या डोक्यावर हत्याराने प्रहार करून खून करण्यात आल्याचा कयास असून, खुनाचा पुरावा नष्ट करण्याच्या हेतूने मृतदेह मुस्ती येथे पाझर तलावात आणून टाकण्यात आल्याचे पोलीस सूत्रांनी सांगितले. मारेकरी कोण व खून कशासाठी केला, याचा शोध वळसंग पोलीस घेत आहेत. सहाआसनी रिक्षाचा अपघातअक्कलकोट येथे सहा आसनी रिक्षा पालथी होऊन घडलेल्या अपघातात महेश सुरेश बनसोडे हा अक्कलकोटचा तरुण मरण पावला, तर रिक्षाचालक सिद्धार्थ भीमराव बनसोडे याच्यासह सहा प्रवासी जखमी झाले. प्रवासी घेऊन सहा आसनी रिक्षा निघाली असता वाटेत भरधाव रिक्षा पालथी झाली. अक्कलकोट उत्तर पोलीस ठाण्यात या अपघाताची नोंद झाली आहे.