दक्षिण कोरियातील संगीतज्ञ पीएसवाय यांच्या गंगनम स्टाइल या यू टय़ूब व्हिडिओने लोकप्रियतेचा उच्चांक गाठला असून या व्हिडिओला ८०.५ कोटी हिट्स मिळाले आहेत. १५ जुलैला ही व्हिडिओ यू टय़ूबवर आली. तिने फेब्रुवारी २०१० मध्ये आलेल्या बायबर यांच्या बेबी या व्हिडिओला मागे टाकले आहे. बेबीला ८०.३ कोटी इतक्या हिट्स मिळाल्या आहेत. पीएसवाय यांच्या दुसऱ्या एका अश्वाधिष्ठित नृत्याने विक्रम केला असून त्याला ५३ लाख हिट्स मिळाल्या आहेत. विशेष म्हणजे, पीएसवाय व बायबर हे एकत्र येऊन काही कलाकृती सादर करण्याची शक्यता वर्तवली जात आहे. पीएसवाय यांनी स्वत: नुकताच बायबर यांना दूरध्वनी केला त्यावेळी दोघांनी एकमेकांना दाद दिली.
