20 September 2017

News Flash

PHOTOS : संभाजींच्या भूमिकेत दिसणार हा मराठी अभिनेता

शंभूराजांच्या आईची म्हणजेच सईबाईंची भूमिका पूर्वा गोखले साकारणार आहे.

मुंबई | Updated: September 12, 2017 10:16 AM

संभाजी

प्रेक्षकांना लवकरच एका महापुरुषाची गाथा छोट्या पडद्यावर पाहायला मिळणार असल्याचे काही दिवसांपूर्वीच कळले होते. आजवर आपण छत्रपती शिवाजी महाराजांचा इतिहास मालिका आणि चित्रपटांच्या माध्यमांतून पाहिला. पण, टेलिव्हिजन विश्वात पहिल्यांदाच छत्रपती शिवाजी महाराज यांचे पुत्र संभाजी महाराज यांच्या पराक्रमाची गाथा दाखविली जाणार आहे. झी मराठी वाहिनीवर ‘संभाजी’ ही मालिका लवकरच सुरु होणार असून, छत्रपती शिवाजी राजांच्या भूमिकेत याआधी झळकलेला अभिनेता डॉ. अमोल कोल्हे हा संभाजी राजांच्या भूमिकेत झळकणार आहे.

वाचा : BLOG चाहत्यांच्या प्रेमाचे उधाण आणि फॉलोअर्सचे विक्रमी लाईक्स

एका पत्रकार परिषदेत ‘संभाजी’ मालिकेत मुख्य भूमिका साकारणाऱ्या अमोल कोल्हेचा लूक सादर करण्यात आला. संभाजी महाराजाची ओळख महाराष्ट्रातील तरूण जनतेला व्हावी यासाठी या मालिकेची निर्मिती करण्यात आल्याचे अमोल कोल्हेने पत्रकार परिषदेत सांगितले. मालिकेत जिजामाता यांची भूमिका अभिनेत्री प्रतिक्षा लोणकर तर शंभूराजांच्या आईची म्हणजेच सईबाईंची भूमिका पूर्वा गोखले साकारणार आहे. संभाजी महाराजांच्या जीवनावर आधारित या मालिकेचा विशेष दोन तासांचा भाग २४ सप्टेंबरला प्रदर्शित होणार आहे. त्यानंतर २५ सप्टेंबरपासून रात्री ९ वाजता या मालिकेचे प्रसारण सुरु होईल. त्यामुळे ‘काहे दिया परदेस’ ही मालिका आता प्रेक्षकांचा निरोप घेणार आहे.

वाचा : विद्या बालनचा ‘हा’ व्हिडिओ पाहून तुम्हीही तिच्या प्रेमात पडाल

मालिकेच्या पहिल्या प्रोमोमध्ये सन १७०७ चा काळ दाखवण्यात आला असून त्यात औरंगजेबाच्या छावणीमधील एक दृश्य बघायला मिळते. जीवनाच्या अखेरच्या घटका मोजत असलेला औरंगजेब या दृश्यामध्ये, ‘संभाजीराजेंसारखा पुत्र असता तर त्याच्या खांद्यावर सगळी धुरा सोपवून मी निश्चिंतपणे जगाचा निरोप घेतला असता’, असे म्हणताना दिसतो.

First Published on September 12, 2017 10:16 am

Web Title: zee marathi sambhaji serial amol kolhe will play shambhuraje character
  1. अरविंद सावंत कोल्ह
    Sep 12, 2017 at 11:15 pm
    संभाजीराजे हे एक स्वराज्याच वादळ होत. हे नावच पुरेस आहे कारण ते एक असा राजा होऊन गेले की चौफेर लढाई चालू ठेवून एकही लढाई हरले नाहीत इतिहासात त्यांच्या व्यक्तिमत्वाला एक अढळ स्थान आहे राज, तुमच्या आरोळींन थरारली ही धरणी दिल्लीच्या तख्ताला घाव बसला वर्मी तलवारी सारखी तिखट ही लेखणी शिवाचा तू लेक शंभु...... तुझ्या पराक्रम पाहुनी नतमस्तक सगळ्यांची गुर्मी वाघ तो वाघच , पिंजऱ्यात भी वाघच अन जंगलात बी वाघच त्यांचा दैदिप्यमान इतिहास जाणून घेण्यासाठी हे सर्वोत्तम काम करणाऱ्या दिग्दर्शक अभिनेता तसेच सर्व टी ा शुभेच्छा अरविंद सावंत कोल्हापूर
    Reply
    1. V
      Vikas Jadhav
      Sep 12, 2017 at 6:10 pm
      Khara ithihas dakhaun amchya Prakrami Rajyachi badnami ithunpudh thabawi ya milikekdun v sawrwakdun yewdhch apeksha ahe....Thanks itke mothe Paul uchlya baddal...
      Reply
      1. D
        Devendra Jawale
        Sep 12, 2017 at 3:20 pm
        संभाजी महरांज हे मोघलांविरोधात व त्यातूनही ते औरंगजेबाविरोधात मोठ्या shoyryane लढले. आणि त्याचवेळी त्यांना विरोध करणारे त्याच्या पाठीत खंजीर खुपसणारे येथील हिंदूच व त्यातूनही ते ब्रह्मन् होते हा खरा इतिहास बघायला मिळेल का ? त्याना पकडून देण्यात कोणाचा हात होता व त्यानंतर त्यांच्या देहाची विटंबना कोणी व कशी केली. हाही इतिहास आहे पण तो सिरीयल मध्ये दाखवणार का ? त्यांच्या मृत्यूपासच्यात या शूर राजाची बदफैली म्हणून बदनामी कोणी केली ? हा इतिहास अजूनही लोकांना कळू देत नाही. या सेरियलमुळे तो इतिहा ी या सर्व महाराष्ट्राला कळवा हीच अपेक्षा.
        Reply
        1. T
          Tushar
          Sep 12, 2017 at 12:43 pm
          संभाजी महाराजांच्या भूमिकेला डॉक्टर अमोल कोल्हे पूर्ण न्याय देतील ह्यात अजिबात शंका नाही. राजा शिव छत्रपती मालिकेत हे त्यांनी सिद्ध केले आहे. एक सुद्धा भाग सोडणार नाही. दिग्दर्शक कोण आहेत?
          Reply
          1. S
            Shivaji raimule
            Sep 12, 2017 at 10:50 am
            Nice
            Reply
            1. Load More Comments