कोपरखैरणे सेक्टर-१६ येथे महापालिकेमार्फत मलवाहिनी टाकण्याच्या कामाची खोदाई सुरू असताना महानगर गॅस पाइपलाइन तुटून लागलेल्या आगीत जेसीबी जळून खाक झाला. प्रसंगावधान साधून चालकाने उडी मारल्याने सुदैवाने त्याचे प्राण वाचले. तसेच या अपघातात कोणतीही जीवितहानी झालेली नाही. गॅस पाइपलाइन तुटल्यानंतर गळती होत असलेल्या वायूचा विद्युत वाहिनीशी संपर्क येऊन आगीचा भडका उडाला. यामध्ये जळालेला जेसीबी रामके कंपनीचा होता.
