महाराष्ट्र

Thursday, May 23, 2013

राज्यातील ८ कोटी मतदारांपैकी मतदारयादीत छायाचित्र नसलेल्या तब्बल १ कोटी ४३ लाख ४१ हजार मतदारांची नावे मतदारयादीतून बाद होणार आहेत. रितसर नोटीस व पंचनामा करून ही कारवाई करण्याबाबत केंद्रीय निवडणूक आयोगानेच राज्याच्या मुख्य निवडणूक अधिकाऱ्यांना तसे आदेश दिले आहेत.

Thursday, May 23, 2013

राज्यातील दुष्काळी परिस्थितीबाबत बरीच ओरड झाल्यानंतर त्यावर कितपत प्रभावी उपाययोजना झाली हा स्वतंत्र संशोधनाचा विषय असला, तरी केलेल्या कामाची प्रसिद्धी घेण्यात मागे न पडण्याची पुरेपूर तयारी सरकारने केली आहे. राज्यात साखळी पद्धतीने बांधण्यात आलेल्या सिमेंट काँक्रीटच्या सुमारे दीड हजार बंधाऱ्यांचा लोकार्पण कार्यक्रम १ जूनला एकाच दिवशी धूमधडाक्यात घेण्याचा निर्णय जलसंधारण विभागाने घेतला आहे.

Thursday, May 23, 2013

महाराष्ट्राची शिखरस्वामिनी कळसुबाई आणि दुर्गराज हरिश्चंद्रगड ही नगर जिल्हय़ातील दोन्ही पर्वतशिखरे लवकरच विजेच्या प्रकाशाने उजळून निघणार आहेत. सुमारे दोन कोटी रुपये खर्च करून या शिखरांच्या विद्युतीकरणास नुकतीच प्रशासकीय मंजुरी मिळाली आहे. कळसुबाई हे सह्य़ाद्रीच्या पर्वतरांगेतील सर्वात उंच शिखर. १ हजार ६१६ मीटर उंचीच्या या शिखराच्या माथ्यावर कळसुबाईचे छोटेखानी मंदिर आहे.

Thursday, May 23, 2013

ताडोबा-अंधारी व्याघ्र प्रकल्पात बुद्ध पोर्णिमेच्या दिवशी चंद्रप्रकाशात येत्या रविवारी, २५ मे रोजी पाणवठय़ांवर वन्यप्राण्यांची गणना करण्यात येणार आहे. चोवीस तासांच्या या गणना कार्यक्रमात १५० पानवठय़ांच्या शेजारी १५० मचाणांवर स्वयंसेवी संस्था व वन खात्याचे एकूण ३०० प्रगणक सहभागी होणार आहेत.

Thursday, May 23, 2013

महाराष्ट्र राष्ट्रीय छात्रसेना संचालनालयाच्या वायुदल शाखेतील एअरो मॉडेलिंग इन्स्ट्रक्टर पदावर काम करणाऱ्यांची स्थिती 'ना घर का, ना घाट का' अशी झाली असून, त्यांच्यासाठी नियमित पदोन्नतीची वा अतिरिक्त वेतनवाढीची कोणतीही तरतूद नाही. भविष्यात एअरो मॉडेलिंग क्षेत्रात येऊ इच्छिणाऱ्यांसाठी हे क्षेत्र फारसे सुखावह ठरणार नसल्याचेच चित्र तूर्त निर्माण झाले आहे.

Thursday, May 23, 2013

शेतकरी व मच्छीमार हे बँकेचे दोन घटक असून हा घटक कोणत्याही योजनेपासून वंचित राहू नये यासाठी तळागळातील शेतकऱ्यासह कोळी बांधवाला आरडीसीसीमार्फत अनेक योजनांचा लाभ मिळवून देण्यासाठी प्रयत्न करण्यात येतील असे प्रतिपादन आरडीसीसी बँकेचे चेअरमन आ. जयंत पाटील यांनी केले.

Thursday, May 23, 2013

भारतात दर आठ सेकंदाला दोन लोकांना नव्याने मधुमेह होतो, तर दर ८ सेकंदानी मधुमेहामुळे दोन रुग्ण मृत्युमुखी पडतात. २०१५ साली भारत ही मधुमेहाची जागतिक राजधानी बनेल, अशी भीती मधुमेहावरील तज्ज्ञ डॉक्टरांनी व्यक्त केली. असोसिएशन ऑफ फिजिशियन या संस्थेच्या वतीने मालवण येथे मधुमेह या विषयावर तज्ज्ञ डॉक्टरांचे चर्चासत्र आयोजित करण्यात आले होते.

Thursday, May 23, 2013

२१ मे १८५० रोजी प्रकाशात आलेले निसर्गरम्य पर्यटनस्थळ असा सर्वदूर लौकिक असलेल्या माथेरानचा १६३वा वाढदिवस अत्यंत थाटात साजरा करण्यात आला. माथेरान प्रतिष्ठानच्या वतीने आयोजित माथेरान महोत्सवामध्ये या वाढदिवस सोहळ्याचे आयोजन करण्यात आले.

Thursday, May 23, 2013

'कभी आर कभी पार, दूर कोई गाए, लेके पहला पहला प्यार, मेरे पिया गए रंगून' यासारख्या असंख्य गाण्यांतून खणखणीत स्वराद्वारे रसिकांवर मोहिनी घालणाऱ्या गायिका शमशाद बेगम यांना सांगीतिक आदरांजली अर्पण करण्यासाठी पनवेलमध्ये एका विशेष मैफलीचे आयोजन करण्यात आले आहे.