दोन वर्षीय मुलीवर शारीरिक अत्याचार करणाऱ्या सावत्र बापाला घणसोली येथून अटक करण्यात आली आहे. अब्दुल खान असे या अत्याचारी व्यक्तीचे नाव असून त्याच्याविरोधात रबाळे पोलीस ठाण्यात बलात्काराचा गुन्हा दाखल करण्यात आला आहे. पहिला नवरा सोडून गेल्याने पीडित मुलीची आई अब्दुल याच्यासह घणसोली येथे राहते. सोमवारी रात्री १० वाजण्याच्या सुमारास पीडित मुलीची आई काही कामानिमित्त बाहेर गेली असता खान याने झोपलेल्या या मुलीवर शारीरिक अत्याचार केले. या मुलीची आई घरी परतल्यावर तिला आपल्या मुलीच्या अंगावर रक्ताचे डाग दिसले, तिने याबाबत जाब विचारला असता अब्दुलने उडवाउडवीची उत्तरे दिली. मुलीवर प्राथमिक उपचार करून या महिलेने मंगळवारी सकाळी रबाळे पोलीस ठाण्यात तक्रार दाखल केली. यानंतर पोलिसांनी अब्दुलला अटक केली. न्यायालयाने त्याला १२ ऑक्टोबपर्यंत पोलीस कोठडी सुनावली आहे.
