25 September 2017

News Flash

तरुणींची फसवणूक करणारा नायजेरियन पोलिसांच्या जाळ्यात

लग्न जुळवून देण्याच्या बहाण्याने अनेक तरुणींची फसवणूक

ठाणे | Updated: September 13, 2017 9:06 PM

पाथर्डीतील आरोपी बेड्यासह फरार झाला (प्रातिनिधीक छायाचित्र )

भारत मॅट्रिमोनी वेबसाईटवर विवाहासाठी नाव नोंदणी करणाऱ्या तरुणींची फसवणूक करणाऱ्या अमादी क्लेनमेन्ट नावाच्या व्यक्तीस ठाण्याच्या सायबर विभागाने बुधवारी अटक केली. हा नायजेरियन आरोपी दिनेश चेवण नावाने भारतात वास्तव्य करत असल्याचे पोलीस तपासातून समोर आले आहे. त्याने ठाण्यातील वागळे इस्टेट परिसरातील एका तरुणीशी मॅट्रीमोनी डॉट कॉम वेबसाईटवरुन संपर्क साधला. त्यानंतर लग्न जुळवून देण्याच्या बहाण्याने त्याने या तरुणीकडून तब्बल एक लाख ५७ हजार रुपये उकळले.

याप्रकरणी ठाण्यातील वागळे इस्टेट पोलीस ठाण्यात फसवणुकीचा गुन्हा दाखल करण्यात आला होता. हा गुन्हा सायबर सेल गुन्हे शाखेकडे वर्ग करण्यात आल्यानंतर सायबर सेलने त्याला अटक केली. त्याच्याकडून एक लॅपटॉप, पाच मोबाईल फोन, एक मोडेम, एटीएम कार्ड, दक्षिण आफ्रिका देशाचे दोन पासपोर्ट आणि ६६ हजार रुपयांचा मुद्देमाल जप्त करण्यात आला आहे.

 

First Published on September 13, 2017 9:06 pm

Web Title: nigerian man who cheating many girls by making wedding match on bharat matrimony thane police arrested him
  1. A
    Arun
    Sep 13, 2017 at 11:38 pm
    मुळात लग्न लग्न जुळवून देण्यासाठी पैसे द्यावेच का लागतात? आणि तेसुद्धा लाखात? ह्या जगात फसणारे आहेत म्हणून फसवणारे निर्माण होतात हेच सत्य आहे.
    Reply