केंद्रीय अर्थसंकल्प २०२६ Photos

देशभरातील नागरिकांसाठी आगामी आर्थिक वर्षं अर्थात १ एप्रिल ते ३१ मार्च कसं जाणार? कोणत्या आर्थिक बाबींचा परिणाम होणार? कोणत्या नवीन सुविधा मिळणार? कोणत्या स्वरूपात आणि किती कर भरावा लागणार? अशा अनेक गोष्टींसाठी केंद्रीय अर्थसंकल्पाची देशातल्या सामान्यांपासून गर्भश्रीमंत नागरिक वाट पाहात असतात. नव्या घोषणांबरोबरच करदात्यांसाठी अत्यंत महत्त्वाच्या असणाऱ्या करश्रेणींच्या रचनेकडे नोकरदार वर्गाचं लक्ष असतं. त्यामुळे केंद्रीय अर्थमंत्री व अर्थमंत्रालयातील सर्व उच्चपदस्थांपासून शेकडोंचा कर्मचारी वर्ग आधीचे काही महिने ज्या अर्थसंकल्पावर काम करत असतो, त्याचा परिणाम पुढच्या वर्षभरात जाणवणार असतो. त्यामुळेच दरवर्षी न चुकता सादर होणारा केंद्रीय अर्थसंकल्प देशाच्या जनतेसाठी महत्त्वाचा ठरतो.