17 January 2021

News Flash

जो बायडेनना मुंबई शेअर बाजाराची सलामी; सेन्सेक्स ऐतिहासिक उच्चांकाजवळ

आज सकाळी शेअर बाजार उघडताच....

अमेरिकेच्या राष्ट्राध्यक्षपदी डेमोक्रॅटिक उमेदवार जो बायडेन यांच्या निवडीचे मुंबई शेअर बाजाराने जोरदार स्वागत केले आहे. शनिवारी रात्री अमेरिकेतील राष्ट्राध्यक्षीय निवडणुकीचा निकाल जाहीर झाला. रंगतदार ठरलेल्या या निवडणुकीत जो बायडेन यांनी प्रतिस्पर्धी उमेदवार विद्यमान राष्ट्राध्यक्ष डोनाल्ड ट्रम्प यांचा पराभव केला.

मुंबई शेअर बाजराने सुद्धा जो बायडेन यांच्या विजयाला सलामी दिली आहे. आज सकाळी बाजार उघडताच मुंबई शेअर बाजराच्या निर्देशांकाने थेट ६७३ अंकांनी उसळी घेतली. ४२,५०० पेक्षा जास्त अंकांसह निर्देशांक ऐतिहासिक उच्चांकाजवळ पोहोचला.

राष्ट्रीय शेअर बाजाराचा निफ्टी सुद्धा १८० पेक्षा जास्त अंकांसह १२,४५० च्या पुढे गेला. बँकिंग, वित्तीय सेवा आणि आयटी कंपन्यांच्या शेअर्समध्ये चांगलीच वाढ दिसून आली. इन्फोसिस, रिलायन्स इंडस्ट्रीज, आयसीआयसीआय बँक आणि एचडीएफसीच्या शेअर्समध्ये चांगली वाढ झाली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 9, 2020 10:22 am

Web Title: after jo biden won america president election mumbai bse sensex high dmp 82
Next Stories
1 WhatsApp Pay येताच NPCI ने घातली UPI ट्रान्झॅक्शनवर मर्यादा
2 सेन्सेक्सचा दहा महिन्यांचा उच्चांक
3 बाजार-साप्ताहिकी : अस्वस्थ हालचाल..
Just Now!
X