महिंद्रची वाणिज्य वाहन निर्मितीत ७०० कोटींची गुंतवणूक

गेल्या काही महिन्यांपासून कमी विक्रीचा सामना करणाऱ्या अवजड व व्यापारी वाहन निर्मितीसाठी नव्याने ७०० कोटी रुपयांची गुंतवणूक करण्याचे महिंद्र समूहाने निश्चित केले आहे.

गेल्या काही महिन्यांपासून कमी विक्रीचा सामना करणाऱ्या अवजड व व्यापारी वाहन निर्मितीसाठी नव्याने ७०० कोटी रुपयांची गुंतवणूक करण्याचे महिंद्र समूहाने निश्चित केले आहे. या क्षेत्रात येत्या दोन वर्षांत आणखी वाहने भारतीय बाजारात उतरविण्याचेही कंपनीने ठरविले आहे.
१६.९ अब्ज डॉलर समूहाच्या महिंद्र अँड महिंद्रचा व्यापारी वाहनांचा व्यवसाय विभाग असलेल्या महिंद्र ट्रक आणि बस गटांतर्गत ९ ते १६ टन वजन क्षमतेची नवी व्यापारी वाहने विकसित करण्यात येणार असल्याची माहिती कंपनीच्या व्यापारी वाहन विभागाचे अध्यक्ष व मुख्य कार्यकारी अधिकारी राजन वधेरा यांनी दिली.
व्यापारी वाहन निर्मितीतील एक परिपूर्ण खेळाडू म्हणून होण्याचे महिंद्रचे स्वप्न असून सध्या नसलेल्या व्यापारी वाहन गटात उतरण्याचा मानसही वधेरा यांनी व्यक्त केला. एकूणच ६ ते ४९ टन वजन क्षमतेच्या वाहनांसाठी येत्या कालावधीत ७०० कोटी रुपयांची गुंतवणूक होईल, असेही ते म्हणाले. अवजड प्रकारातील ४९ टन वजन क्षमतेच्या वाहनाची निर्मिती चालू वर्षअखेपर्यंत केली जाईल, असेही त्यांनी सांगितले.
या गटातील वाहनांना गेल्या काही कालावधीपासून असलेल्या कमी मागणीबाबत वधेरा म्हणाले की, येऊ घातलेल्या वस्तू व सेवा करामुळे व्यापारी वाहनांची मागणी पुन्हा वाढताना दिसेल; या विधेयकामुळे एकूणच माल वाहतूक क्षेत्रात वाढती हालचाल नोंदली जाईल. कंपनीने बुधवारीच तिच्या पुण्यानजीकच्या चाकण प्रकल्पात १५,००० वे अवजड वाहन तयार केले. कंपनीने हलक्या व्यापारी वाहनांचा १.२५ लाखाचा टप्पा पार केला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Mahindra to invest rs 700 cr in commercial vehicle biz

Next Story
जैवतंत्रज्ञान पिकांच्या कृषी संशोधनावरील स्थगिती
ताज्या बातम्या