scorecardresearch

मारुतीची वाहने महागली!

देशातील आघाडीची वाहन निर्माता कंपनी असलेल्या मारुती सुझुकी इंडियाने सर्व श्रेणीतील वाहनांच्या किमती तात्काळ प्रभावाने १.३ टक्क्यांनी वाढविण्याचा निर्णय सोमवारी जाहीर केला.

maruti-suzuki-759

पीटीआय, नवी दिल्ली : देशातील आघाडीची वाहन निर्माता कंपनी असलेल्या मारुती सुझुकी इंडियाने सर्व श्रेणीतील वाहनांच्या किमती तात्काळ प्रभावाने १.३ टक्क्यांनी वाढविण्याचा निर्णय सोमवारी जाहीर केला. वाहन निर्मितीसाठी येणाऱ्या खर्चात वाढ झाल्याने वाहनांच्या किमतीत वाढ करण्याचा निर्णय घ्यावा लागल्याचे कंपनीकडून सांगण्यात आले. वाहनांच्या नवी दिल्लीतील विक्री दालनांमधील किमतींमध्ये सरासरी १.३ टक्के वाढ करण्यात आली. वाहन निर्मितीच्या विविध टप्प्यांवर वाढता खर्च आणि उत्पादन घटकांच्या किमतीत सतत वाढ होत असल्याने जानेवारी २०२१ ते मार्च २०२२ पर्यंत वाढविलेल्या किमती जमेस धरल्यास वर्षभरात मारुती सुझुकीची वाहने जवळपास ८.८ टक्क्यांनी महागली आहेत.

मराठीतील सर्व अर्थसत्ता ( Arthasatta ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Maruti vehicles expensive country leading vehicle producer company vehicle manufacturing cost increase ysh

ताज्या बातम्या