सप्ताहअखेर घसरणीनेच

सेन्सेक्समध्ये सर्वाधिक योगदान असणाऱ्या रिलायन्स इंडस्ट्रीजची सरलेल्या तिमाहीची कामगिरी बाजार व्यवहार आटोपल्यानंतर सायंकाळी जाहीर होणार असल्याने गुंतवणूकदारांनी बाजारात सावध पवित्रा घेतला

मुंबई : भांडवली बाजारात गुंतवणूकदारांकडून सुरू असलेली नफावसुली आणि विदेशी गुंतवणूकदारांनी बाजारातून काढता पाय घेतल्याने सलग चौथ्या दिवशी बाजारातील घसरण वाढली. परिणामी सेन्सेक्स सप्ताहअखेर ६१, ००० अंशांखाली गडगडला.

शुक्रवारी दिवसअखेर सेन्सेक्स १०१.२८ अंशांच्या घसरणीसह ६०,८२१.६२ पातळीवर बंद झाला. तर राष्ट्रीय शेअर बाजाराचा निफ्टी  ६३.२० अंश घसरणीसह  १८,११४.९० वर स्थिरावला. गेल्या चार दिवसात सेन्सेक्सने ९४४ अंश गमावले आहेत. तर निफ्टीमध्ये २४० अंशांची घसरण झाली आहे.

सेन्सेक्समध्ये सर्वाधिक योगदान असणाऱ्या रिलायन्स इंडस्ट्रीजची सरलेल्या तिमाहीची कामगिरी बाजार व्यवहार आटोपल्यानंतर सायंकाळी जाहीर होणार असल्याने गुंतवणूकदारांनी बाजारात सावध पवित्रा घेतला. सेन्सेक्समध्ये आयटीसीच्या समभाग सर्वाधिक ३.३९ टक्क्यांनी घसरला. त्यापाठोपाठ मारुती, इन्फोसिस, एनटीपीसी, एचसीएल टेक, टाटा स्टील आणि महिंद्र अँड महिंद्र घसरणीसह बंद झाले. तर, एचडीएफसी, बजाज ऑटो, इंडसइंड बँक, कोटक बँक, अ‍ॅक्सिस बँक हे समभाग वधारले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Sensex nifty share market index akp 9

Next Story
ओंकार स्पेशिअ‍ॅलिटीचा चिपळूणमध्ये नवा प्रकल्प
ताज्या बातम्या